തിരുവമ്പാടി : തിരുവമ്പാടി ഗ്രാമപഞ്ചായത്തിലെ സർക്കാർ വിദ്യാലയങ്ങളായ ആനക്കാംപൊയിൽ ഗവ: എൽപി സ്കൂളിലും തൊണ്ടിമ്മൽ ഗവ: എൽപി സ്കൂളിലും പ്രഭാത ഭക്ഷണ പോഷകാഹാര വിതരണം തുടങ്ങി.ഗ്രാമ പഞ്ചായത്തിൻ്റെ വാർഷിക പദ്ധതിയുടെ ഭാഗമായാണ് പ്രഭാത ഭക്ഷണ വിതരണം ആരംഭിച്ചത്. ചപ്പാത്തി, വെള്ളപ്പം, നൂൽപുട്ട്, ഉപ്പുമാവ്, ഇഡലി എന്നിവയാണ് വിഭവങ്ങൾ.തൊണ്ടിമ്മൽ ഗവ: എൽപി സ്കൂളിൽ നടന്ന ചടങ്ങിൽ ഗ്രാമപഞ്ചായത്ത് പ്രസിഡണ്ട് ബിന്ദു ജോൺസൺ പ്രഭാത ഭക്ഷണ വിതരണോദ്ഘാടനം ‘ നിർവ്വഹിച്ചു. ഗ്രാമ പഞ്ചായത്ത് വൈസ് പ്രസിഡണ്ട് കെ. എ. അബ്ദുറഹിമാൻ അധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ റംല ചോലക്കൽ, വാർഡ് മെമ്പർമാരായ ലിസി സണ്ണി, എ പി ബീന,എസ് എം സി ചെയർമാൻ പി ജിഷി, എന്നിവർ സംസാരിച്ചു.പ്രധാനാധ്യാപിക കെ എസ് രഹന മോൾ സ്വാഗതവും, പിടിഎ പ്രസിഡണ്ട് സുരേഷ് തൂലിക നന്ദിയും പറഞ്ഞു.
