.മുക്കം: സ്വാതന്ത്ര്യത്തിന്റെ എഴുപത്തഞ്ചാം വാർഷികത്തിന്റെ സ്മരണയ്ക്കായി നീലേശ്വരം ഗവ. ഹയർ സെക്കണ്ടറി സ്കൂളിൽ നാഷണൽ സർവ്വീസ് സ്കീം നിർമ്മിച്ച ഫ്രീഡം വാൾ മുക്കം നഗരസഭാ അധ്യക്ഷൻ പി.ടി. ബാബു അനാഛാദനം ചെയ്തു.
ഹയർ സെക്കണ്ടറി ബ്ലോക്കിന്റെ മുൻവശത്ത് സെൽഫി പോയിന്റ് ആയാണ് വാൾ രൂപ കൽപ്പന ചെയ്തത്. ദേശീയ, പ്രാദേശിക സ്വാതന്ത്യസമര സേനാനികളുടെ ചിത്രങ്ങളും മൂവർണ്ണ നിറത്തിലുള്ള ചിത്രശലഭത്തിന്റെ രൂപവും ആലേഖനം ചെയ്തതാണ് വാൾ.
നീലേശ്വരം ഗവ. ഹയർസെക്കണ്ടറി സ്കൂളിൽ നടന്ന ചടങ്ങിൽ നഗരസഭ കൗൺസിലർമാരായ എം.കെ യാസർ , എ. കല്യാണിക്കുട്ടി, എൻ.എസ്.എസ് ജില്ലാ കൺവീനർ എം.കെ ഫൈസൽ, തിരുവമ്പാടി ക്ലസ്റ്റർ കൺവീനർ ടി. രതീഷ് , പി.ടി.എ പ്രസിഡന്റ് അബ്ദുൽ സലാം മുണ്ടോളി, നീലേശ്വരം ഗവ. ഹയർ സെക്കണ്ടറി സ്കൂൾ പ്രിൻസിപ്പൽ എം.കെ ഹസീല, ഹെഡ്മിസ്ട്രസ് പി.വി. റംലത്ത്, താമരശ്ശേരി ഗവ. ഹയർ സെക്കണ്ടറി സ്കൂൾ പ്രിൻസിപ്പൽ വി.കെ പ്രസാദ്, സ്കൂൾ മോണിറ്ററിംഗ് കമ്മറ്റി ചെയർമാൻ പി.വി. സാദിഖ്, ആർട്ടിസ്റ്റ് സിഗ്നി ദേവരാജൻ , പോഗ്രാം ഓഫീസർ സി.എ. അജാസ്, സി. ശ്രീനാഥ്, അശ്വതി ഒ.ടി, അനന്ദു വി.കെ എന്നിവർ സംസാരിച്ചു.
