കോടഞ്ചേരി:
നിയമ വിദ്യാര്ത്ഥി അബു അരീക്കോടിന്റെ മരണത്തിൽ അസ്വാഭാവിക മരണത്തിന് കേസെടുത്ത് പൊലീസ്. ഇന്നലെയായിരുന്നു വിദ്യാര്ത്ഥിയെ താമസസ്ഥലത്ത് മരിച്ച നിലയില് കണ്ടെത്തിയത്. ലോണ് ആപ്പ് തട്ടിപ്പാണ് മരണത്തിലേക്ക് നയിച്ചതെന്ന ആരോപണം ഉയര്ന്നിരുന്നു. ഇടത് സൈബര് ഇടങ്ങളില് സജീവ സാന്നിധ്യമായിരുന്നു അബു അരീക്കോട് എന്ന വി സി അബൂബക്കര്. അബു അരീക്കോട് എന്ന പേരിൽ സമൂഹ മാധ്യമങ്ങളില് സജീവമായി ഇടപെട്ടിരുന്ന അബു നല്ല പ്രഭാഷകന് കൂടി ആയിരുന്നു.
മര്കസ് ലോ കോളേജ് വിദ്യാര്ത്ഥിയായിരുന്നu അബു. സിപിഐഎം സൈബറിടങ്ങളിലെ സജീവ സാന്നിധ്യമായ അബുവിന്റെ വേര്പാടില് മുന് മന്ത്രി ടി പി രാമകൃഷ്ണനടക്കം നിരവധി പേരാണ് അനുശോചനം രേഖപ്പെടുത്തിയത്. അരീക്കോട് പൂങ്കുടി സ്വദേശി നെല്ലികുന്ന് വീട്ടില് അബ്ദുള് കരീം വഹബിയുടെ മകനാണ്.കോടഞ്ചേരി പൊലീസാണ് കേസെടുത്ത് അന്വേഷണം ആരംഭിച്ചത്.
