
തിരുവമ്പാടി : ആനക്കാംപൊയിൽ-മുണ്ടൂർ റോഡ് തകർന്ന് വാഹന ഗതാഗതം ദുഷ്കരമായി. ഇരുചക്ര വാഹനങ്ങൾ അടക്കം നിത്യേന ഇവിടെ അപകടത്തിൽപ്പെടുന്നത് പതിവായി.മുണ്ടൂർ കാലംപാറ കയറ്റത്തിൽ റോഡ് പൊട്ടിപ്പൊളിഞ്ഞ് താറുമാറായതു കാരണം ചെറു വാഹനങ്ങൾക്ക് പോലും കടന്നു പോകാൻ കഴിയുന്നില്ല. നാട്ടുകാർ കല്ലും മണ്ണും റോഡിൽ ഇട്ട് മഴക്കാലത്തിന് മുമ്പ് താത്ക്കാലികമായി ഗതാഗത യോഗ്യമാക്കിയിരുന്നു.കാലവർഷം ആരംഭിച്ചതോടെ റോഡ് തകർന്നു വാഹനങ്ങൾക്ക് കടന്നു പോകാൻ കഴിയാതെയായി. മുത്തപ്പൻപുഴ, ആനക്കാംപൊയിൽ ഭാഗത്തുനിന്നും ചെമ്പുകടവ്, തുഷാരഗിരി വഴി വയനാട്ടിലേക്ക് പോകാനുള്ള എളുപ്പ മാർഗമാണ് ഈ റോഡ്.



