കുമാരനെല്ലൂർ ഗവ എൽ പി സ്കൂൾ : നൂറാം വാർഷികാഘോഷ പ്രഖ്യാപനവും സ്വാഗത സംഘം രൂപീകരണവും നാളെ (ഞായർ)

മുക്കം : നൂറ് വർഷം പൂർത്തിയായ കുമാരനെല്ലൂർ ഗവ എൽ പി സ്കൂളിൻ്റെ ശതാബ്ദിയാഘോഷ പ്രഖ്യാപനം നാളെ (ഞായർ) സി കെ കാസിം എം എൽ എ നിർവഹിക്കും. ഉച്ചയ്ക്ക് 2 മണിക്ക് സ്‌കൂൾ ഗ്രൗണ്ടിൽ നടക്കുന്ന നാട്ടുകാരുടെയും രക്ഷിതാക്കളുടെയും യോഗത്തിൽ ആഘോഷ പരിപാടികൾ വിജയിപ്പിക്കുന്നതിന് വിപുലമായ സ്വാഗത സംഘം രൂപവത്കരിക്കും.പഞ്ചായത്ത് പ്രസിഡൻ്റ് ജി അബ്ദുൽ അക്ബർ, വൈസ് പ്രസിഡൻ്റ് എം ദിവ്യ, ആരോഗ്യ-വിദ്യാഭ്യാസ സ്‌ഥിരം സമിതി ചെയർപേഴ്സൺ അബുൽ ഹാരിഫ്,ജില്ല പഞ്ചായത്ത് മെമ്പർ മിസ്ഹബ് കീഴരിയൂർ, ബ്ലോക്ക് പഞ്ചായത്ത് മെമ്പർ മുനീർ ആലുങ്ങൽ, വാർഡ് മെമ്പർ മുഷീർ പട്ടാംകുന്നൻ തുടങ്ങി നിരവധി ജനപ്രതിനിധികളും പൗരപ്രമുഖരും പങ്കെടുക്കും.