തുമ്പക്കോട് കൃഷ്ണഗിരി ക്ഷേത്രത്തിൽ ശ്രീകൃഷ്ണ ജയന്തിയും മഹാശോഭയാത്രയും സെപ്റ്റംബർ 4-ന്
തുമ്പക്കോട്:തുമ്പക്കോട് കൃഷ്ണഗിരി ശ്രീകൃഷ്ണ ക്ഷേത്രത്തിൽ 2026 സെപ്റ്റംബർ 4 വെള്ളിയാഴ്ച (1202 ചിങ്ങം 19) ശ്രീകൃഷ്ണ ജയന്തി ആഘോഷങ്ങളും മഹാശോഭയാത്രയും വിപുലമായ പരിപാടികളോടെ ആഘോഷിക്കുന്നു. പുലർച്ചെ 5 മണിക്ക് നടതുറക്കലോടെ ആരംഭിക്കുന്ന ചടങ്ങുകളിൽ ഗണപതിഹോമം (6:00 AM), ഉഷപൂജ (8:00 AM), അഷ്ടാഭിഷേകം (9:00 AM), ഉച്ചപൂജ (12:00 PM), വൈകീട്ട് 6.47-ന് ദീപാരാധന എന്നിവ നടക്കും. ഉച്ചയ്ക്ക് ശേഷം 3 മണിക്ക് ശ്രീ. സന്തോഷ് തുരുത്തി പറമ്പിലെ വസതിയിൽ നിന്ന് ആരംഭിക്കുന്ന വർണ്ണാഭമായ മഹാശോഭയാത്ര ക്ഷേത്രത്തിലേക്ക് പ്രവേശിക്കും. ശോഭയാത്രയിൽ രാധാകൃഷ്ണ വേഷങ്ങൾ അണിയാൻ ആഗ്രഹിക്കുന്ന കുട്ടികൾ ഉച്ചയ്ക്ക് 1 മണിക്ക് സന്തോഷ് തുരുത്തിപ്പറമ്പിന്റെ വസതിയിൽ എത്തിച്ചേരേണ്ടതാണെന്നും, അന്നദാനവും പ്രത്യേക വഴിപാടുകളും ചടങ്ങിന്റെ ഭാഗമായി ഒരുക്കിയിട്ടുണ്ടെന്നും ആഘോഷക്കമ്മിറ്റി സെക്രട്ടറി അറിയിച്ചു.
