LOCAL NEWSNews
അന്പതിന്റെ നിറവില് കോഴിക്കോട് സിവിൽ സ്റ്റേഷൻ -ചരിത്ര പ്രദര്ശനമൊരുക്കി ജില്ലാ ഭരണകൂടം
കോഴിക്കോട് സിവിൽ സ്റ്റേഷന്റെ അന്പതാം വാര്ഷികത്തോടനുബന്ധിച്ച് ജില്ലാ ഭരണകൂടം പുരാവസ്തു വകുപ്പുമായി ചേര്ന്ന് ചരിത്ര പ്രദര്ശനം സംഘടിപ്പിച്ചു. ജില്ലാ കലക്ടര് ഡോ. എന് തേജ് ലോഹിത് റെഡ്ഢി ഉദ്ഘാടനം ചെയ്തു.
അന്പതിന്റെ നിറവിലെത്തിയ സിവിൽ സ്റ്റേഷന്റെ പഴയ കാല ചിത്രങ്ങള്, പത്ര വാര്ത്തകള്, വിവിധ രേഖകള് എന്നിവയാണ് പ്രദര്ശനത്തിലുള്പ്പെടുത്തിയത്. പഴയ ഉത്തരവുകളുടെ പകർപ്പുകളും സിവിൽ സ്റ്റേഷന്റെ കെട്ടിട സ്കെച്ചും രേഖകളുമെല്ലാം ജീവനക്കാർക്ക് കൗതുക കാഴ്ച സമ്മാനിച്ചു.
ചടങ്ങില് എ.ഡി.എം മുഹമ്മദ് റഫീഖ്, ഡെപ്യൂട്ടി കലക്ടര്മാരായ അനിത കുമാരി, ഷാമിന് സെബാസ്റ്റ്യന്, ഹുസൂര് ശിരസ്തദാര് ബാബു ചാണ്ടുള്ളി, ആര്ക്കിവിസ്റ്റ് മിനി പോള്, കലക്ടറേറ്റ് ജീവനക്കാര്, കലക്ടറുടെ ഇന്റേണ്ഷിപ്പ് വിദ്യാര്ഥികള് തുടങ്ങിയവര് പങ്കെടുത്തു.
