തിരുവമ്പാടി: കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ ( കെ എസ് എസ് പി യു ) തിരുവമ്പാടി പഞ്ചായത്ത് കൺവെൻഷൻ വിവിധ പരിപാടികളോടെ സമുചിതമായി നടത്തി. സമ്മേളനത്തിന്റെ ഭാഗമായി പ്രതിഭകളെ ആദരിക്കൽ , പുതിയ അംഗങ്ങൾക്ക് സ്വീകരണം, വനിതാവേദി സാംസ്കാരിക വേദി സംഗമം , കലാസാംസ്കാരിക പരിപാടികൾ എന്നിവയും നടന്നു.സി കെ കാസിം എം എൽ എ കൺവെൻഷൻ ഉദ്ഘാടനം ചെയ്യുകയും പ്രതിഭകളെ ആദരിക്കുകയും ചെയ്തു. യൂണിറ്റ് പ്രസിഡന്റ് എം വി ജോർജ് അദ്ധ്യക്ഷത വഹിച്ചു. ജില്ലാ പ്രസിഡന്റ് കെ വി ജോസഫ് മുഖ്യ പ്രഭാഷണം നടത്തി. വിവിധ മേഖലകളിലെ മികച്ച പ്രതിഭകളായ ഡോ.കെ ബാലരാമൻ , ജോഷി ബെനഡിക്ട് , ഡോ.കെ അബ്ദുൾ സൂഫിയാൻ , വിദർശ കെ വിനോദ്, പി എൻ നൗഫൽ, സി എം യൂസുഫ്, സജി ലൂക്കോസ്, കെ എ ക്ലാരമ്മ എന്നിവരെ സമ്മേളനത്തിൽ ആദരിച്ചു.
പുതിയ അംഗങ്ങൾക്ക് സ്വീകരണവും നൽകി. യൂണിറ്റ് സെക്രട്ടറി കെ കെ ഹരിദാസ്, ട്രഷറർ എം എം ജോസഫ് , ജില്ലാകമ്മിറ്റി അംഗം ജോസ് മാത്യു, ബ്ലോക്ക് കമ്മിറ്റി സെക്രട്ടറി ടി ടി സദാനന്ദൻ , ട്രഷറർ കെ നാരായണൻ , യൂണിറ്റ് വനിതാവേദി ചെയർ പേഴ്സൺ റൂബി തോമസ്, സാംസ്കാരിക വേദി കൺവീനർ എം കെ തോമസ്, സോഷ്യൽ വെൽഫെയർ കമ്മിറ്റി കൺവീനർ കെ സി ജോസഫ് , ജി ഡി എസ് കൺവീനർ എം ജെ ജെയിംസ്, സി എം യൂസുഫ് , റോയി ജോസ് എന്നിവർ പ്രസംഗിച്ചു. ജോയിന്റ് സെക്രട്ടറി ജോർജ് ജോസഫ് പെൻഷൻ ശമ്പള പരിഷ്കരണ നടപടികൾ ഉടൻ ആരംഭിക്കണമെന്നാവശ്യപ്പെട്ടു കൊണ്ടുള്ള പ്രമേയവും വൈസ് പ്രസിഡന്റ് എം ജെ ജെയിംസ് അനുശോചന പ്രമേയവും അവതരിപ്പിച്ചു.സമ്മേളനാനന്തരം പങ്കെടുത്ത എല്ലാവർക്കും സ്നേഹവിരുന്നും നൽകി.
