ബൈക്കിനു കുറുകെ കാട്ടുപന്നി ചാടി ദമ്പതിമാർക്ക് പരിക്ക്.

  തിരുവമ്പാടി: റോഡിനു കുറുകെ കാട്ടുപന്നി ചാടിയതിനെ തുടർന്ന് ബൈക്കിൽ നിന്ന് വീണ് ദമ്പതിമാർക്ക് പരിക്കേറ്റു. പാമ്പിഴഞ്ഞപ്പാറ പള്ളത്ത് ഫൈസൽ (37), ഭാര്യ അലീഫാത്തിമ (32) എന്നിവർക്കാണ് പരിക്കേറ്റത്.
തിരുവമ്പാടി – ഓമശ്ശേരി റോഡിൽ നടുക്കിൽ വെച്ച് രാത്രി ഏഴരയോടെയായിരുന്നു അപകടം. അപകടത്തിൽ ഫൈസലിന്റെ കൈകാലുകൾക്കും താടിയെല്ലിനും നെറ്റിക്കും പല്ലിനും പരിക്കേറ്റിട്ടുണ്ട്. അലീഫാത്തിമയ്ക്ക് കൈകാലുകൾക്കും പുറംഭാഗത്തുമാണ് പരിക്ക്. 
പരിക്കേറ്റ ഇരുവരെയും മണാശ്ശേരിയിലെ സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.