KERALA NEWS
മഴ: ഇന്ന് എട്ട് ജില്ലകൾക്ക് മഞ്ഞ മുന്നറിയിപ്പ്, നാളെ 12 ജില്ലകൾക്ക്; ഇടിമിന്നൽ ജാഗ്രതാ നിര്ദേശവും
തിരുവനന്തപുരം: ഒറ്റപ്പെട്ട സ്ഥലങ്ങളില് കനത്തമഴയ്ക്ക് സാധ്യതയുള്ളതിനാല് ബുധനാഴ്ച എട്ടുജില്ലകള്ക്കും വ്യാഴാഴ്ച 12 ജില്ലകള്ക്കും കാലാവസ്ഥാ വകുപ്പ് മഞ്ഞ മുന്നറിയിപ്പ് നല്കി. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.
ബുധനാഴ്ച: കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്കോട്. വ്യാഴാഴ്ച: തിരുവനന്തപുരവും കൊല്ലവും ഒഴികെ 12 ജില്ലകള്ക്ക്.
ഇതുകൂടാതെ ഇടിമിന്നല് ജാഗ്രതാ നിര്ദേശവും കാലാവസ്ഥാവകുപ്പ് നല്കിയിട്ടുണ്ട്. സംസ്ഥാനത്ത് ഒറ്റപ്പെട്ടയിടങ്ങളില് ബുധനാഴ്ചയും വ്യാഴാഴ്ചയും ഇടിമിന്നലോടുകൂടിയ മഴയ്ക്കും മണിക്കൂറില് 40 മുതല് 50 കിലോമീറ്റര്വരെ വേഗതയില് ശക്തമായ കാറ്റിനും സാധ്യതയുണ്ടെന്നാണ് കാലാവസ്ഥാവകുപ്പിന്റെ മുന്നറിയിപ്പ്.
