പുല്ലൂരാംപാറ സെൻ്റ് ജോസഫ്സ് ഹൈസ്കൂൾ സുവർണ്ണ ജൂബിലിയുടെ ഭാഗമായി സ്കൂൾ പൂർവ്വ വിദ്യാർത്ഥി സംഘടനയായ ‘യുവ’ യുടെ നേതൃത്വത്തിൽ 2025 Dec 26 ന് നടത്തുന്ന പൂർവ്വ വിദ്യാർത്ഥി സംഗമത്തിന് പേര് നിർദ്ദേശിക്കാൻ നടത്തിയ മത്സരത്തിൽ 78 പേരുകളിൽ നിന്നും കമ്മിറ്റി തെരഞ്ഞെടുത്തത് *തിരികെ* എന്ന പേരാണ്. 1982 ബാച്ച് വിദ്യാർത്ഥിയായ റൂബി തോമസ് ആണ് ഈ പേര് നിർദ്ദേശിച്ചത്. വിജയിക്കുള്ള സമ്മാനം Dec 26 ലെ പ്രോഗ്രാമിൽ വച്ച് നൽകും.
ബാച്ച് സംഗമങ്ങൾ, പൊതു സമ്മേളനം, ഗാനോത്സവം തുടങ്ങിയ നിരവധി പരിപാടികളോടെ പുല്ലൂരാംപാറ സ്കൂൾ ഓപ്പൺ ഓഡിറ്റോറിയത്തിൽ വച്ച് ഡിസംബർ 26 ഉച്ചകഴിഞ്ഞ് രണ്ട് മണി മുതലാണ് മെഗാ പൂർവ്വ വിദ്യാർത്ഥി സംഗമം സംഘടിപ്പിക്കുന്നത്.
