പുല്ലൂരാംപാറ:അതിവേഗം വളരുന്ന മലയോരമേഖലയിലെ പ്രധാന പാതയായ മലയോര ഹൈവേ കടന്നുപോകുന്ന പ്രധാന ഭാഗങ്ങൾ ഉൾപ്പെടുന്ന പുല്ലൂരാംപാറ,കൂടരഞ്ഞി,അടിവാരം വഴി കെഎസ്ആർടിസി സർവീസ് ആരംഭിക്കണമെന്ന ആവശ്യം ശക്തമാകുന്നു. ദിവസേന നൂറ് കണക്കിന് ആളുകളാണ് ഈ വഴി കടന്നു പോകുന്നത്. നിലവിൽ മുക്കത്ത് നിന്ന് അടിവാരത്തേക്ക് വരുമ്പോൾ ഓമശ്ശേരി താമരശ്ശേരി വഴി ദീർഘദൂരം യാത്ര ചെയ്ത് വേണം എത്തിച്ചേരുവാൻ. കൂടരഞ്ഞി പുന്നക്കൽ ഭാഗത്തുള്ളവർക്ക് അടിവാരത്തുനിന്ന് മുക്കത്ത് വന്നതിനുശേഷം വീണ്ടും ബസ് കയറണം ലക്ഷ്യസ്ഥാനത്ത് എത്തുവാൻ. ഈ പ്രയാസങ്ങൾ എല്ലാം അടിവാരത്ത് നിന്ന് ആരംഭിക്കുന്ന കെഎസ്ആർടിസി ചെമ്പ് കടവ് നെല്ലിപ്പൊയിൽ പുല്ലൂരാംപാറ,പുന്നക്കൽ കൂടരഞ്ഞി വഴി മുക്കത്തേക്ക് എത്തുമ്പോൾ ഇല്ലാതാവും.
