കല്ലുരുട്ടി :തിരഞ്ഞെടുപ്പ് നടപടികളെ കുറിച്ച് കുട്ടികൾക്ക് അവബോധം നൽകുക എന്ന ലക്ഷ്യത്തോടെസെന്റ്. തോമസ് എൽ.പി.സ്കൂൾ നീലേശ്വരം,കല്ലുരുട്ടി ലെ 2024-25 അധ്യയന വർഷത്തെ സ്കൂൾ പാർലമെൻ്റ് തിരഞ്ഞെടുപ്പ് കുട്ടികൾക്കും അധ്യാപകർക്കും നാവ്യാനുഭവമായി.ജനാധിപത്യരീതിയിൽ ബാലറ്റ് പേപ്പറിലൂടെ കുട്ടികൾ സ്കൂൾ ലീഡറിനെ തിരഞ്ഞെടുത്തു.നാമനിർദ്ദേശ പത്രിക സമർപ്പിച്ച കുട്ടികളിൽ നിന്ന് സൂക്ഷ്മപരിശോധനക്കുശേഷം നാല് സ്ഥാനാർത്ഥികൾ സ്കൂൾ ലീഡർ സ്ഥാനത്തേയ്ക്ക് മത്സരിച്ചു. സ്കൂൾ ലീഡറായി അസ്ലഹ് സുബൈറിനെ തിരഞ്ഞെടുക്കപ്പെട്ടു.
