കൊടിയത്തൂർ:
കൊടിയത്തൂർ ഗ്രാമപഞ്ചായത്തിലെ
പുതിയോട്ടിൽ നിവാസികളുടെ ചിരകാല സ്വപ്നമായിരുന്ന റോഡ് യാഥാർഥ്യമായി . പ്രദേശവാസികൾ സ്ഥലം വിട്ടുനൽകിയതിനെ തുടർന്ന് പഞ്ചായത്ത് ആസ്തി രജിസ്റ്ററിൽ ഉൾപ്പെടുത്തി ഗ്രാമപഞ്ചായത്ത് ഫണ്ട് അനുവദിക്കുകയും തുടർന്ന് കോൺക്രീറ്റ് ചെയ്ത് ഗതാഗതയോഗ്യമാക്കുകയുമായിരുന്നു. വില്ലേജ് ഓഫീസ് – പുതിയോട്ടിൽ റോഡിൻ്റെ ഉദ്ഘാടനം ഗ്രാമപഞ്ചായത്ത് പ്രസിഡൻ്റ് ദിവ്യ ഷിബു നിർവ്വഹിച്ചു. വാർഡ് മെമ്പർ ടി.കെ. അബൂബക്കർ മാസ്റ്റർ അധ്യക്ഷത വഹിച്ചു. പത്മശ്രീ അലി മണിക്ഫാൻ, ടി.ടി. അബ്ദുറഹ്മാൻ, ഇമ്പിച്ചിക്കോയ നാറഞ്ചലത്ത്, മുംതാസ് കൊളായിൽ , ആയിശ ഖാദർ, ആത്തിഖ,കുഞ്ഞി മായിൻ, ഇ.എ. ജബ്ബാർ, കെ.എം.സി വഹാബ്, അബ്ദുറഹ്മാൻ. പി , അബ്ദുല്ല. കെ, റഫീഖ് കുറ്റിയോട്ട്, പി.പി. ബഷീർ എന്നിവർ സംസാരിച്ചു. അനീസ ശാക്കിർ, റസിയ റഹ്മാൻ, ശരീഫ നാസർ, ഉമ്മാച്ചക്കുട്ടി, ശാഹിറ ലബീബ എന്നിവർ നേതൃത്വം നൽകി.
