SMA ബാധിതരായ കുട്ടികൾക്ക് എന്റെ മുക്കവും പ്രമുഖ സംഗീത കലാകാരന്മാരും, മുക്കത്ത് അണിനിരക്കുന്നു.
മുക്കം: SMA (സ്‌പൈനൽ മസ്കുലാർ അട്രോഫി) ബാധിതരായ കുഞ്ഞുങ്ങളുടെ ചികിത്സയ്ക്കും ക്ഷേമത്തിനും കൈത്താങ്ങാകുക എന്ന മഹത്തായ ലക്ഷ്യത്തോടെ മുക്കത്ത് സംഗീത-കലാവിരുന്ന് സംഘടിപ്പിക്കുന്നു.നവംബർ 9 തിങ്കളാഴ്ച മുക്കം മിനി പാർക്കിൽ നടക്കുന്ന പരിപാടിയിൽ പ്രമുഖ ഗായകരും കലാകാരന്മാരും സംഗീതപ്രേമികൾക്കായി വേദിയിലെത്തും.ഷഹജയും സംഘവും ഉൾപ്പെടെ നിരവധി പ്രശസ്ത കലാകാരന്മാർ പരിപാടിയിൽ അണിനിരക്കും.സ്വന്തം കലാപ്രതിഭകൾ കാരുണ്യപ്രവർത്തനത്തിനായി മാറ്റിവെച്ച് ഈ കുഞ്ഞുങ്ങൾക്ക് താങ്ങും തണലുമാകാൻ മുന്നോട്ടുവന്ന കലാകാരന്മാരുടെ ഈ സന്നദ്ധസേവനത്തിൽ എന്റെ മുക്കവും പങ്കാളികളാവും.ഉച്ചകഴിഞ്ഞ് 3.30 മുതൽ രാത്രി 9 മണി വരെയാണ് പരിപാടി. സംഗീതവും സൗഹൃദവും കാരുണ്യവും ഒത്തുചേരുന്ന ഈ കൂട്ടായ്മയിലേക്ക് മുഴുവൻ നാട്ടുകാരുടെയും, സംഗീതാസ്വാദകരുടെയും സാന്നിധ്യവും പിന്തുണയും അഭ്യർത്ഥിക്കുന്നു.കുഞ്ഞുങ്ങളുടെ ജീവിതത്തിൽ പ്രതീക്ഷയുടെ വെളിച്ചം പകരാൻ നമുക്കും കൈകോർക്കാം.
