എസ്.എം.എ ബാധിതരായ കുരുന്നുകളുടെ ചികിത്സയ്ക്കായി കോടഞ്ചേരിയിൽ ബിരിയാണി ചലഞ്ച്.

കോടഞ്ചേരി: എസ്.എം.എ (സ്പൈനൽ മസ്കുലർ അട്രോഫി) രോഗം ബാധിച്ച ഡേവിഡ്, ഏദൻ, ഒലിവർ എന്നീ മൂന്ന് കുരുന്നുകളുടെ തുടർചികിത്സയ്ക്കുള്ള ഫണ്ട് സമാഹരണാർത്ഥം കത്തോലിക്ക കോൺഗ്രസ് കോടഞ്ചേരി യൂണിറ്റിന്റെ നേതൃത്വത്തിൽ ‘ബിരിയാണി ചലഞ്ച്’ സംഘടിപ്പിക്കുന്നു.​2026 നവംബർ 15 ഞായറാഴ്ച കോടഞ്ചേരി പാരിഷ് ഹാളിലാണ് പരിപാടി നടക്കുക. അന്ന് രാവിലെ 11 മണി മുതൽ പാരിഷ് ഹാളിൽ ബിരിയാണി ലഭ്യമായിരിക്കും. 100 രൂപയാണ് ഒരു പൊതി ബിരിയാണിയുടെ നിരക്ക്.​ചികിത്സാ ചെലവുകൾ കണ്ടെത്താൻ പ്രയാസപ്പെടുന്ന ഈ കുരുന്നുകളുടെ ജീവൻ രക്ഷിക്കാനുള്ള കാരുണ്യപ്രവർത്തനത്തിൽ നാടൊന്നാകെ പങ്കാളികളാകണമെന്ന് സംഘാടകർ അഭ്യർത്ഥിച്ചു. ബിരിയാണിക്കായുള്ള മുൻകൂർ ഓർഡറുകൾക്കും കൂടുതൽ വിവരങ്ങൾക്കും , 9946106401,9846406442 എന്നീ നമ്പറുകളിൽ ബന്ധപ്പെടാവുന്നതാണ്.