കാർ ഇടിച്ചതിനെ തുടർന്ന് ആറുമണിവരെ വൈദ്യുതി മുടക്കം
പുല്ലുരാംപാറ: കോടഞ്ചേരി – കക്കാടംപൊയിൽ മലയോര ഹൈവേയിൽ പൊന്നാംങ്കയം സ്കൂളിനു സമീപം ടയർ പൊട്ടി നിയന്ത്രണം വിട്ട കാർ വൈദ്യുതി പോസ്റ്റിൽ ഇടിച്ച് യുവാവിന് പരിക്കേറ്റു.ആനക്കാംപൊയിൽ സ്വദേശി എറമ്പൻ ഷഹദിനാണ് പരിക്കേറ്റത്.അപകടത്തെ തുടർന്ന് പൊട്ടിവീണ വൈദ്യുത കമ്പിയിൽ തട്ടി ഷഹദിന് വൈദ്യുതാഘാതവും ഏറ്റു.പുന്നക്കൽ – പുല്ലൂരാംപാറ റോഡിൽ പൊന്നാങ്കയം കാർ ഇടിച്ചതിനെ തുടർന്ന് HT പോസ്റ്റ് പൊട്ടിയതിനാൽ പൊന്നാങ്കയം, പൊന്നാങ്കയം സ്കൂൾ , മുളങ്കടവ്, മേലേ പൊന്നാങ്കയം എന്നീ ട്രാൻസ്ഫോർമർ പരിധിയിൽ വൈകിട്ട് ആറുമണിവരെ വൈദ്യുതി മുടങ്ങുമെന്ന് കെഎസ്ഇബി തിരുവമ്പാടി സെക്ഷനിലുള്ള അധികൃതർ അറിയിച്ചു
