ചാത്തമംഗലം -കുഴക്കോട് -വെള്ളന്നൂർ റോഡിൽ ഇഷ്ടിക ബസാർ മുതൽ വെള്ളന്നൂർ വരെയുള്ള ഭാഗങ്ങളിൽ നവീകരണ പ്രവൃത്തി ആരംഭിക്കുന്നതിനാൽ സെപ്റ്റംബർ 27 മുതൽ പ്രവൃത്തി അവസാനിക്കുന്നതു വരെ വാഹന ഗതാഗത നിയന്ത്രണം ഏർപ്പെടുത്തിയതായി എക്സിക്യൂട്ടീവ് എഞ്ചിനീയർ അറിയിച്ചു.
ഗതാഗതം നിരോധിച്ചു
റോഡ് പ്രവൃത്തി നടക്കുന്നതിനാൽ മുളിയങ്ങൽ കൈതക്കൊല്ലി റോഡിലൂടെയുള്ള വാഹന ഗതാഗതം സെപ്റ്റംബർ 29 മുതൽ പ്രവൃത്തി അവസാനിക്കുന്നതുവരെ പൂർണമായി നിരോധിച്ചതായി എക്സിക്യൂട്ടീവ് എഞ്ചിനീയർ അറിയിച്ചു. പേരാമ്പ്ര നിന്നും കായണ്ണ-മൊട്ടന്തറ വഴി കൂരാച്ചുണ്ടിലേക്കും തിരിച്ചും പോകുന്ന വാഹനങ്ങൾ ചെറുകാട് കോളനിമുക്ക് വഴിയോ മൊട്ടന്തറ -ചന്ദനം വയൽ- വിരണപ്പുറം- ചെമ്പ്ര വഴിയോ പോകേണ്ടതാണ്.
ഗതാഗത നിയന്ത്രണം
ചെട്ടിക്കടവ് റോഡിൽ പെരിയങ്ങാട് മുതൽ ചെട്ടിക്കടവ് വരെയുള്ള ഭാഗങ്ങളിൽ നവീകരണ പ്രവൃത്തി ആരംഭിക്കുന്നതിനാൽ സെപ്റ്റംബർ 27 ബുധനാഴ്ച മുതൽ പ്രവൃത്തി അവസാനിക്കുന്നത് വരെ വാഹന ഗതാഗതം നിയന്ത്രിച്ചതായി പൊതുമരാമത്ത് വകുപ്പ് നിരത്ത് വിഭാഗം എക്സിക്യൂട്ടീവ് എഞ്ചിനീയർ അറിയിച്ചു.
