മുക്കം മുനിസിപ്പാലിറ്റിയിൽ ആശാ വർക്കർ നിയമനം: അപേക്ഷകൾ ക്ഷണിക്കുന്നു

മുക്കം: മുക്കം മുനിസിപ്പാലിറ്റിയിലെ 28, 29 ഡിവിഷനുകളിൽ ആശാ വർക്കർമാരുടെ ഒഴിവുകളിലേക്ക് യോഗ്യരായ വനിതകളിൽ നിന്നും അപേക്ഷ ക്ഷണിക്കുന്നു. ഡിവിഷൻ 29-ൽ ആശാ വർക്കറുടെ അവധി ഒഴിവിലേക്കും, ഡിവിഷൻ 28-ൽ നിലവിലുള്ള സ്ഥിരം ഒഴിവിലേക്കുമാണ് നിയമനം നടത്തുന്നത്.​ SSLC പാസ്സായിരിക്കണം.​25 വയസിനും 45 വയസിനും ഇടയിൽ പ്രായമുള്ളവരായിരിക്കണം.​

അപേക്ഷകർ മുക്കം നഗരസഭയിലെ സ്ഥിരതാമസക്കാരായ വനിതകളായിരിക്കണം. കൂടാതെ വിവാഹിതരോ, വിധവകളോ, നിയമപരമായി വിവാഹമോചനം നേടിയവരോ ആയിരിക്കണം.​താല്പര്യമുള്ള യോഗ്യരായ ഉദ്യോഗാർത്ഥികൾ വിദ്യാഭ്യാസ യോഗ്യത, പ്രായം, മേൽവിലാസം എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ സഹിതം ജൂലൈ രണ്ടാം തീയതിക്കു മുമ്പായി മുക്കം സി എച്ച് സി മെഡിക്കൽ ഓഫീസർ മുമ്പാകെ അപേക്ഷിക്കേണ്ടതാണ്.