അപകടരഹിത നാളേക്കായി കൈകോർക്കാം: TDRF-ന്റെ നേതൃത്വത്തിൽ ഏകദിന ജീവൻ രക്ഷാ പരിശീലനം സംഘടിപ്പിക്കുന്നു
തിരുവമ്പാടി: അപകടങ്ങളും ദുരന്തങ്ങളും ഉണ്ടാകുമ്പോൾ ഭയന്നുമാറി നിൽക്കാതെ, യഥാർത്ഥ രക്ഷാപ്രവർത്തനം സാധ്യമാക്കാനും അപകടമരണങ്ങൾ ഇല്ലാതാക്കാനും ലക്ഷ്യമിട്ട് താലൂക്ക് ദുരന്തനിവാരണ സേന (TDRF) രംഗത്ത്. കോഴിക്കോട് ജില്ലയിലെ താമരശേരി താലൂക്ക് പരിധിയിൽ, പ്രത്യേകിച്ച് തിരുവമ്പാടി, മുക്കം കേന്ദ്രീകരിച്ച് പ്രവർത്തിക്കുന്ന TDRF യൂണിറ്റുകളുടെ സംയുക്ത ആഭിമുഖ്യത്തിൽ ഒന്നാംഘട്ട ഏകദിന ജീവൻ രക്ഷാ പരിശീലന ക്യാമ്പ് സംഘടിപ്പിക്കുന്നു.
2026 ജൂലൈ 19 ഞായറാഴ്ച രാവിലെ 9:00 മണി മുതൽ വൈകുന്നേരം 4:00 മണി വരെ ഓമശ്ശേരി പഞ്ചായത്തിലെ വേനപ്പാറ ഹോളി ഫാമിലി ഹയർ സെക്കണ്ടറി സ്കൂളിൽ വെച്ചാണ് പരിശീലനം നടക്കുന്നത്.
NGO അംഗീകാരത്തോടെ രാഷ്ട്രീയ-ജാതി-മത വ്യത്യാസങ്ങളില്ലാതെ പ്രവർത്തിക്കുന്ന ഈ സംഘടന, നിലവിൽ മലപ്പുറം, കോഴിക്കോട്, വയനാട് ജില്ലകളിൽ വളരെ സജീവമാണ്.
പരിശീലനത്തിന്റെ പ്രധാന ലക്ഷ്യങ്ങൾ:
അപകടങ്ങൾ ഉണ്ടാകുമ്പോൾ അറിവില്ലായ്മ കൊണ്ട് മാറി നിൽക്കാതെ കൃത്യമായ രക്ഷാപ്രവർത്തനം നടത്താൻ പൊതുജനങ്ങളെ പ്രാപ്തരാക്കുക.
നാട്ടിലെ അപകടമരണങ്ങളും മറ്റ് നാശനഷ്ടങ്ങളും പരമാവധി കുറയ്ക്കുക.
സന്നദ്ധ വളണ്ടിയർ സേവനത്തിന് താല്പര്യമുള്ളവർക്ക് സർക്കാർ സംവിധാനങ്ങളുമായി സഹകരിച്ചും അല്ലാതെയുമുള്ള വിവിധതരം പരിശീലനങ്ങൾ നൽകുക.
സേനയുടെ ഭാഗമാകാം:
18 വയസ്സ് തികഞ്ഞ ഏതൊരു സ്ത്രീക്കും പുരുഷനും ഈ ദുരന്തനിവാരണ സേനയിൽ പങ്കാളികളാകാം. ആവശ്യമായ പരിശോധനകൾക്ക് ശേഷം തെരഞ്ഞെടുക്കപ്പെടുന്നവർക്ക് TDRF-ന്റെ ഔദ്യോഗിക യുണിഫോമും ഐ.ഡി കാർഡും നൽകുന്നതായിരിക്കും. “അപകട മുക്ത ലക്ഷ്യവുമായി” മുന്നേറുന്ന ഈ ജീവൻ രക്ഷാ പോരാളികളുടെ സംഘത്തിൽ ചേരാൻ താല്പര്യമുള്ളവർ താഴെ കാണുന്ന നമ്പറുകളിൽ ബന്ധപ്പെടുക.
കൂടുതൽ വിവരങ്ങൾക്കും രജിസ്ട്രേഷനും:
സുബൈർ: 920 7200 570
മുസ്തഫ: 974 5086 618
മറ്റ് നമ്പറുകൾ: 920 7512 206, 751 0168 238
ഹെഡ് ഓഫീസ്: 984 7140 677
