അഖിലേന്ത്യാ ജനാധിപത്യ മഹിളാ അസോസിയേഷൻ തിരുവമ്പാടി ഏരിയ കമ്മിറ്റിയുടെ നേതൃത്വത്തിൽ മുക്കത്ത് പ്രതിഷേധ പ്രകടനം നടത്തി.

മുക്കം: ഗതാഗത വകുപ്പ് മന്ത്രി സി.പി.ജോൺ സ്ത്രീകളെ അധിക്ഷേപിച്ച് നടത്തിയ പ്രസ്താവനയിൽ പ്രതിഷേധിച്ച് അഖിലേന്ത്യാ ജനാധിപത്യ മഹിളാ അസോസിയേഷൻ തിരുവമ്പാടി ഏരിയ കമ്മിറ്റിയുടെ നേതൃത്വത്തിൽ മുക്കത്ത് പ്രതിഷേധ പ്രകടനം നടത്തി. ഒരു മന്ത്രിയുടെ ഭാഗത്തുനിന്ന് സ്ത്രീ വിരുദ്ധവും സംസ്കാരശൂന്യവുമായ വാക്കുകൾ ഉണ്ടാകുന്നത് ജനാധിപത്യ സമൂഹത്തിന് തീരാക്കളങ്കമാണെന്നും ഇത്തരം പ്രസ്താവനകൾ സ്ത്രീകളുടെ ആത്മാഭിമാനത്തെ ചോദ്യം ചെയ്യുന്നതാണെന്നും മന്ത്രി പ്രസ്താവന പിൻവലിച്ച് പരസ്യമായി മാപ്പ് പറയണമെന്നും പ്രതിഷേധക്കാർ ആവശ്യപ്പെട്ടു. ​മുക്കം നഗരം കേന്ദ്രീകരിച്ച് നടന്ന പ്രതിഷേധ പ്രകടനം മഹിളാ അസോസിയേഷൻ ഏരിയാ സെക്രട്ടറി കെ.പി.ചാന്ദ്നി ഉദ്‌ഘാടനം ചെയ്തു. എ.ഐ.ഡി.ഡബ്ല്യു.എ ഏരിയ കമ്മിറ്റി അംഗങ്ങളായ ഉഷാ കുമാരി, ജോഷില സന്തോഷ്, എം.വി.രജനി, പി.പി.സ്മിത എന്നിവർ സംസാരിച്ചു.