ജീവിതത്തിൻ്റെ ഇരുണ്ട
വശങ്ങളെക്കുറിച്ച് പറഞ്ഞ് മക്കളെ ഉപദേശിക്കുന്നതിന് പകരം ജീവിതത്തിൻ്റെ മനോഹാര്യത ബോധ്യപ്പെടുത്തുകയാണ് നമുക്ക് ചെയ്യാൻ കഴിയുന്ന പ്രധാന കാര്യം
അതിനായ് നമുക്ക് ചില
പ്ലാനിംഗ് നടത്താം –
നിലവിലെ പ്രശ്നങ്ങളുടെ പശ്ചാത്തലത്തിൽ
വേണം നമുക്ക് ചിന്തിക്കാൻ.
ചില ചിന്തകൾ മാത്രമാണിത്
ചില കാര്യങ്ങൾ നമുക്ക് ഉപകരിക്കും തീർച്ച.
നമ്മൾ എന്തു ചെയ്യണം.
1 -ഈ അവധിക്കാലത്ത് സ്കൂൾ
സിലബസുമായി ബന്ധപ്പെട്ട ഒരു ക്ലാസിനും കുട്ടികളെ നിർബന്ധിക്കരുത്.
കലാ പഠനത്തിനും
കായിക പരിശീലത്തിനും പ്രാമുഖ്യം നൽകണം
2 -അവർക്കിഷ്ടമുള്ള
കളികളിലും, കലകളിലും അവർ സമയം ചിലവഴിക്കട്ടെ
3 -T V , ഫോൺ എന്നിവയിൽ മുഴുകാതെ കഴിയുമെങ്കിൽ അൽപം വായനക്ക്
ബാലരമ
പോലുള്ള ചെറിയ പുസ്തകങ്ങൾ വാങ്ങി
നൽകണം. ചിത്ര കഥകളും പഞ്ചതന്ത്രം കഥകളും വാങ്ങാൻ കിട്ടും – വായിക്കാൻ
അധികം force ചെയ്യാതെ സൂത്രത്തിൽ
വായനയിൽ പെടുത്തണം. വായിച്ചാൽ ചില സമ്മാനങ്ങൾ offer ചെയ്യാം.
4 -കുറച്ച് കളറും, പേപ്പറും
ക്രാഫ്റ്റ് വർക്കിനുള്ള
വസ്തുക്കളും വെറുതെ
വാങ്ങി വീട്ടിൽ അവർ കാണും വിധം വയ്ക്കണം . പതിയെ
അവർ അതെടുത്ത് പണി തുടങ്ങും തീർച്ച.
5 -പ്രായമായവർ, ബന്ധുക്കൾ , ദൂരെ ഗ്രാമങ്ങളിലുള്ള അടുത്ത സുഹൃത്തുക്കൾ എന്നിവരെയെല്ലാം കുട്ടികളെ കൂട്ടി സന്ദർശിച്ച് കഴിയുമെങ്കിൽ ഒരു ദിവസം
അവരുടെ കൂടെ താമസിക്കുക
6 -തൊട്ടടുത്തുള്ള പുഴകൾ ,വയലുകൾ,
മലകൾ ഇവിടെയൊക്കെ നടക്കാൻ പോകണം.
walking സൗഹൃദ സംഭാഷണത്തിനുള്ള വേദിയാക്കണം.
7 -ദിവസവും നിശ്ചിത ജോലികൾ കുട്ടികൾക്ക്
Asign ചെയ്ത് കൊടുക്കണം
8 -കൃത്യ സമയത്ത് പ്രാർത്ഥിക്കാനും
ചില ഭക്ത കേന്ദ്രങ്ങൾ
സന്ദർശിക്കാനും ഈ അവധി കാലത്ത് കഴിയണം.
9 -ഒരു നേരമെങ്കിലും
കുട്ടികളെ കൂടെയിരുത്തി ഒന്നിച്ച്
ഭക്ഷണം കഴിക്കാൻ ശ്രദ്ധിക്കാം
10 -അയൽ വാസികളായ കട്ടികൾ കളിക്കാൻ വിളിക്കുമ്പോൾ പിടിച്ച് കെട്ടാതെ കളിച്ച് മണ്ണിൽ പൊതഞ്ഞ്
വിയർത്ത് കുളിച്ച് വരുമ്പോൾ സ്നേഹത്തോടെ ഒരു
ചായ കൊടുത്ത്, വിശ്രമിപ്പിച്ച് , കുളിക്കാൻ വിടുക.
11 -കൂട്ടുകാരുടെ ജാതി ചോദിക്കരുത്, പറയരുത്, ചിന്തിക്കരുത്.
നന്മക്കും തിൻമക്കും മതമില്ല.
12 -പാരമ്പര്യവാദങ്ങൾ കാലം വലിച്ചെറിഞ്ഞ് തുടങ്ങിയിരിക്കുന്നു
കുടുബമഹിമയും തറവാടിത്തവും വലിച്ചെറിഞ്ഞ് സാധാരണ മനുഷ്യനാകാൻ കുട്ടികളെ പഠിപ്പിക്കുക
അതിനായി അവർ ഏതെങ്കിലും സാമൂഹിക സംഘടനകളിലെ സഹായ അംഗമാകാൻ
ഈ അവധിക്കാലം വിനിയോഗിക്കുക .
അവർ അമ്പലങ്ങളിലും
പള്ളികളിലും, കല്യാണ വീടുകളിലും, നാട്ടിലെ സാംസ്കാരിക പരിപാടികളിലും ചെറിയ സേവനങ്ങൾ ചെയ്യട്ടെ
13 – സ്കൂൾ തുറക്കുന്നതിന് മുമ്പേ
ബുക്കുകൾ വാങ്ങി പൊതിയിട്ട് വയ്ക്കാം
14 – എപ്പോഴും പ്രതീക്ഷയോടെ മാത്രം
പരസ്പരം സംസാരിക്കാം
15 – – എൻ്റെ കുട്ടി മിടുക്കനാകും എന്ന്
ഉറച്ച് വിശ്വസിക്കുകയും
അതിനായി പ്രാർത്ഥിക്കുകയം ചെയ്യാം
ബിനു ജോസ്
തിരുവമ്പാടി
