കൂടരഞ്ഞി :കോടഞ്ചേരി- കക്കാടംപൊയിൽ മലയോര ഹൈവേയുടെ കൂടരഞ്ഞി പുന്നക്കൽ റോഡിൽ കാരാട്ട് പാറയിൽ കാർ താഴ്ചയിലേക്ക് മറിഞ്ഞു. ശനിയാഴ്ച ഉച്ചയ്ക്ക് നാലുമണിയോടെ കാരാട്ട് പാറ വളവിലാണ് സംഭവം. കുടുംബം സഞ്ചരിച്ച കാറാണ് 25-അടിയോളം താഴ്ചയിലേക്ക് മറിഞ്ഞത്. യാത്രക്കാർ നിസ്സാരപരിക്കുകളോടെ രക്ഷപ്പെട്ടു.സ്ഥിരം അപകടമേഖലയാണിത്. ഇതിനുമുമ്പും ഒട്ടേറെ അപകടങ്ങൾ നടന്നിട്ടുണ്ട്. സംരക്ഷണഭിത്തി നിർമാണത്തിൽ അപാകതയുണ്ടെന്ന് നാട്ടുകാർ പറയുന്നു. ഭിത്തി തകർത്താണ് കാർ മറിഞ്ഞത്. കൊടുംവളവ് കണക്കിലെടുത്ത് കൂടുതൽ ശാസ്ത്രീയമായി ഭിത്തി പണിയണമെന്ന് നാട്ടുകാർ ആവശ്യപ്പെട്ടു.
