കോഴിക്കോട് ജില്ലയിലെ മിന്നും താരമായി മാറി സേക്രഡ് ഹാർട്ട് എച്ച് എസ്സിലെ ജ്വൽ മനോജ്

ചിത്രം:ജ്വൽ കമ്പ്യൂട്ടറിന്റെ സഹായത്തോടെ പരീക്ഷ എഴുതുന്നു

തിരുവമ്പാടി:രണ്ടു കണ്ണുകൾക്കും ജൻമനാ കാഴ്ചശക്തിയില്ലെങ്കിലും അകക്കണ്ണിന്റെ ആത്മധൈര്യം കൊണ്ട് ,തന്റെ പരീക്ഷാ പ്രതിസന്ധികളെ തരണം ചെയ്യാൻ തീവ്രമായ കഠിനാധ്വാനത്തിലൂടെ, ആത്മധൈര്യത്തോടെ പോരാടിക്കൊണ്ട് … കമ്പ്യൂട്ടർ മാധ്യമത്തിലൂടെ പരീക്ഷയെഴുതി വിജയിച്ച ജ്വൽ മനോജ് എന്ന കൊച്ചു മിടുക്കൻ സഹപാഠികൾക്കും അധ്യാപകർക്കും എന്നും അതുല്യ പ്രതിഭയാണ്.

എല്ലാ വിഷയങ്ങൾക്കും ഫുൾ എ പ്ലസ്സ് നേടിക്കൊണ്ട് കേരളത്തിലെ തന്നെ മൂന്നു മിടുക്കരിൽ ഒരാളായി നാടിന് തന്നെ അഭിമാനമായി മാറുകയാണ് ഈ വിദ്യാർത്ഥി. കമ്പ്യൂട്ടറിന്റെ സഹായത്തോടെ മറ്റു കുട്ടികൾക്കൊപ്പം പരീക്ഷയെഴുതി ഫുൾ എ പ്ലസ്സ് നേടിയ ജ്വൽ മനോജ്, കോഴിക്കോട് ജില്ലയിലെ മികച്ച വിജയം നേടിയ ഭിന്ന ശേഷിക്കാരനായ ഏക വിദ്യാർത്ഥിയാണ്.