കൂരാച്ചുണ്ട്: വേദനകളെ മറന്ന് സാന്ത്വനത്തിന്റെ തണലില് പാലിയേറ്റീവ് കുടുംബ സംഗമവും വിനോദ യാത്രയും സംഘടിപ്പിച്ചു. കൂരാച്ചുണ്ട് പഞ്ചായത്തും കക്കയം പ്രാഥമിക ആരോഗ്യ കേന്ദ്രവും കൂരാച്ചുണ്ട് സാമൂഹിക ആരോഗ്യ കേന്ദ്രവും സംയുക്തമായാണ് പാലിയേറ്റീവ് രോഗി -ബന്ധു കുടുംബ സംഗമവും വിനോദ യാത്രയും സംഘടിപ്പിച്ചത്.
പഞ്ചായത്ത് പരിധിയിലെ പാലിയേറ്റീവ് രോഗികളും, കുടുംബാംഗങ്ങളും ആരോഗ്യ പ്രവർത്തകരും ജനപ്രതിനിധികളും വിനോദ യാത്രയില് പങ്കാളികളായി. കൂരാച്ചുണ്ട് പഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ് സിമിലി ബിജു കുടുംബ സംഗമം ഉദ്ഘാടനം ചെയ്തു.
പഞ്ചായത്തംഗങ്ങളായ എൻ.ജെ. ആൻസമ്മ, സിനി ഷിജോ, കക്കയം പിഎച്ച്സി മെഡിക്കല് ഓഫീസർ ടോജോ പി. ജോയ് എന്നിവർ നേതൃത്വം നല്കി.
