മാവൂർ: മാവൂർ അങ്ങാടിയിൽ ബസിടിച്ച് കാൽനടയാത്രക്കാരൻ മരിച്ചു. ഇന്ന് വൈകുന്നേരം അഞ്ചരയോടെ മാവൂർ ടൗൺ ജംഗ്ഷനിലാണ് സംഭവം. താമരശ്ശേരി- കട്ടാങ്ങൽ, മാവൂർ റൂട്ടിലോടുന്ന സ്വകാര്യബസ്സാണ് ഭിന്നശേഷിക്കാരനായ വയോധികനെ ഇടിച്ചത്. കട്ടാങ്ങൽ കമ്പനിമുക്ക് ഈഗിൾ പ്ലാന്റേഷൻ കോളനിയിലെ അബ്ദുറഹിമാൻ (55)ആണ് മരണപ്പെട്ടത്. മാവൂർ പൊലീസ് സ്ഥലത്തെത്തി ഉടൻ കോഴിക്കോട് മെഡിക്കൽ കോളജ് ആശുപത്രിയിലേക്ക് എത്തിച്ചെങ്കിലും ജീവൻ രക്ഷിക്കാനായില്ല.
