സിനിമ വർക്ഷോപ്പ് വടകര ∙ ബിഇഎം എച്ച്എസ്എസ് ഫിലിം അക്കാദമി 31 ന് രാവിലെ 10 ന് സിനിമ വർക്ഷോപ്പ് നടത്തും. അഭിനയത്തിന് 14 വയസ്സു മുതൽ 25 വരെയും തിരക്കഥയ്ക്ക് 25 മുതൽ 60 വരെയുമാണ് പ്രായ പരിധി. 9497145237.
കേരഗ്രാമം പദ്ധതിനാദാപുരം∙ ചെക്യാട് പഞ്ചായത്തിൽ കേരഗ്രാമം പദ്ധതിയിൽ അംഗമാകാനുള്ള അപേക്ഷ ജനുവരി 2നു മുൻപ് ലഭിക്കണം. ഫോം വാർഡ് തല സമിതിയെയോ മെംബർമാരെയോ ബന്ധപ്പെട്ടാൽ കിട്ടും.
ആടു കർഷകരുടെ ശ്രദ്ധയ്ക്ക്: കോഴിക്കോട് ജില്ലാ പഞ്ചായത്തിന്റെ മലബാറി ആടുകളുടെ വർഗോദ്ധാരണം പദ്ധതിയിൽ ചേരാൻ താൽപര്യമുള്ളവരും അഞ്ചിൽ കൂടുതൽ ആടുകളെ വളർത്തുന്നവരുമായ കർഷകരിൽ നിന്ന് അപേക്ഷ ക്ഷണിച്ചു. 31 ന് അകം അടുത്തുള്ള മൃഗാശുപത്രിയിൽ അപേക്ഷ നൽകണം.
കിഡ്സ് അത്ലറ്റിക്സ് ശിൽപശാല ഇന്ന്കോഴിക്കോട് ∙ സംസ്ഥാന അത്ലറ്റിക്സ് അസോസിയേഷന്റെ നേതൃത്വത്തിൽ ഇന്നു രാവിലെ 10 മുതൽ 4 വരെ കിഡ്സ് അത്ലറ്റിക്സ് നോർത്ത് സോൺ ശിൽപശാലയും ഒഫിഷ്യൽ ക്ലിനിക്കും നടക്കാവ് ഗവ. സ്കൂളിൽ നടക്കും. 9895545929.
വൈദ്യുതി മുടക്കം ഇന്ന്∙അടിയന്തര അറ്റകുറ്റപ്പണികൾ നടത്തുന്നതിനാൽ ഇന്നു രാവിലെ 10 മുതൽ 11 വരെ ചേവരമ്പലം ടൗൺ പരിസരം, അരളപ്പാട് ദേവീക്ഷേത്ര പരിസരപ്രദേശം, പാച്ചാക്കിൽ തോട്, കുടിൽത്തോട്, ഗ്രീൻവാലി എന്നിവിടങ്ങളിൽ വൈദ്യുതി മുടങ്ങും
