താമരശേരി: പുതുപ്പാടി ഹയര് സെക്കന്ഡറി സ്കൂളിന് മുന്നില് കെഎസ്ആര്ടിസി ബസുകള്ക്ക് സ്റ്റോപ്പ് അനുവദിക്കാത്തതിനാല് വിദ്യാര്ഥികള് ദുരിതത്തിലാണ്.രാവിലെയും വൈകുന്നേരവും സ്കൂള് സമയത്ത് ആവശ്യമായ സ്വകാര്യ ബസുകള് ഈ റൂട്ടില് ഓടുന്നില്ല.
ഏതാനും സ്വകാര്യ ലിമിറ്റഡ് സ്റ്റോപ്പ് ബസുകള് ഉണ്ടെങ്കിലും അവക്കും ഇവിടെ സ്റ്റോപ്പില്ല.രാവിലെ സ്കൂള് സമയത്ത് താമരശേരി ഭാഗത്ത് നിന്നും നോളേജ് സിറ്റി ബസടക്കം ഏതാനും കെഎസ്ആര്ടിസി ഓര്ഡിനറി ബസുകള് സര്വീസ് നടത്തുന്നുണ്ട്.
എന്നാല് ഈ ബസുകള്ക്ക് സ്കൂളിന് മുന്നില് സ്റ്റോപ്പ് അനുവദിക്കാത്തതിനാല് അര കിലോമീറ്റര് അകലെ വെസ്റ്റ് കൈതപ്പൊയിലില് ബസിറങ്ങി അര കിലോമീറ്ററിലധികം തിരികെ നടന്ന് വേണം സ്കൂളിലെത്താന്.
