കോടഞ്ചേരി: കൂടത്തായി ഹൈസ്കൂളിന് സമീപം പണം വെച്ച് ചീട്ട് കളിക്കുകയായിരുന്ന സംഘത്തിലെ പത്തുപേരെ കോടഞ്ചേരി പോലീസ് പിടികൂടി. ബാലുശ്ശേരി, എകരൂല്, ഓമശ്ശേരി, തോട്ടുമുക്കം തുടങ്ങിയ പ്രദേശങ്ങളില് നിന്നുള്ളവാരാണ് പിടിയിലായത്.
ഇവരില് നിന്ന് 67100 രൂപയും പിടിച്ചെടുത്തു.എസ് ഐ മാരായ കെ കെ ഹാഷിം, പത്മനാഭന്, സീനിയര് സി പി ഒ മാരായ റഫീഖ്, ഖാസിം എന്നിവരടങ്ങിയ സംഘമാണ് ചീട്ടുകളി സംഘത്തെ പിടികൂടിയത്. സ്കൂളിന് സമീപത്തെ തോടിനോട് ചേര്ന്നുള്ള പുറമ്പോക്ക് ഭൂമിയിലാണ് ചീട്ടുകളി നടന്നിരുന്നത്. അന്പതോളം പേരാണ് ചീട്ടുകളിക്കായി എത്തിയിരുന്നത്. മറ്റുള്ളവര് പോലീസ് എത്തിയതോടെ ഓടി രക്ഷപ്പെട്ടു.
