വ്യാപാരി വ്യവസായി ഏകോപന സമിതി കോഴിക്കോട് ജില്ലക്ക് പുതിയ നേതൃത്വം: പ്രസിഡന്റ് അഷ്റഫ് മുത്തേടത്ത്
ജന: സെക്രട്ടറിയായി ജിജി കെ തോമസ് ട്രഷർ ആയി യി വി. സുനിൽകുമറിനെയും തെരഞ്ഞെടുത്തു.
കോഴിക്കോട് : വ്യാപരി വ്യവസായി ഏകോപന സമിതി കോഴിക്കോട് ജില്ലാ ജനറൽ ബോഡി യോഗവും ഭരണ സമിതി തെരെഞ്ഞെടുപ്പും നടന്നു ..
രാവിലെ 9 മണി മുതൽ കോഴിക്കോട് ടാഗോർ ഹാളിൽ വെച്ച് നടന്ന യോഗം വ്യാപാരി വ്യവസായി ഏകോപന സമിതി സംസ്ഥാന ജന: സിക്രട്ടറി രാജു അപ്സര ഉദ്ഘാടനം ചെയ്തു.
സംസ്ഥാന ജില്ലാ നേതാക്കൻമാർ , യൂത്ത് വിംങ്ങ് , വനിതാ വിങ്ങ് നേതാക്കൻമാർ ചടങ്ങിൽ പങ്കെടുത്തു. ജില്ലാ പ്രസിഡണ്ട് സ്ഥാനത്തേക്ക് രണ്ട് പേർ മത്സര രംഗത്ത് എത്തി . നിലവിലെ ജില്ലാ വൈസ് പ്രസിഡന്റായ അഷ്റഫ് മുത്തേടത്തും ജില്ലാആക്ടിംങ്ങ് പ്രസിഡന്റായ സലാം വടകരയുമാണ് മത്സര രംഗത്തെത്തിയത് .
ആകെ പോൾ ചെയ്ത വോട്ട് 955 – അഷ്റഫ് മുത്തേടത്ത് ന് 667 ഉം സലാം വടകരക്ക് 285 വോട്ടും നേടി. 3 വോട്ട് അസാധുവായി . 382 വോട്ടിന്റെ ഭൂരിപക്ഷത്തിന് അഷ്റഫ് മൂത്തേടത്ത് വിജയിച്ചു പുതുതായി തെരെഞ്ഞെടുക്കപ്പെട്ട കോഴിക്കോട് ജില്ലാ ഭാരവാഹികളായി പ്രസിഡന്റ് അഷ്റഫ് മുത്തേടത്ത് എളേറ്റിൽ വട്ടോളി , ജന: സിക്രട്ടറി ജിജി.കെ.തോമസ് (തിരുവമ്പാടി) ട്രഷറർ വി. സുനിൽകുമാർ (കോഴിക്കോട്) എന്നിവരെ തെരെഞ്ഞെടുത്തു.
