നരിക്കുനി: നരിക്കുനി കാരുകുളങ്ങര പുതുശേരിപാലം തോട്ടിൽ വീണ് മരണപ്പെട്ട മൂർഖൻകുണ്ട് നെടിയനാട് ജി.എം.എൽ.പി. സ്കൂളിലെ എൽ.കെ.ജി. വിദ്യാർത്ഥിനി ഹന ഫാത്തിമയുടെ (5) വിയോഗം നാടിനെ കണ്ണീരിലാഴ്ത്തി.
കാവുംപൊയിൽ വയപ്പുറത്ത് താമസിക്കും നെല്ലിയേരിതാഴം വേലാങ്കണ്ടിയിൽ റഊഫ് – സബീന ദമ്പതികളുടെ മകളായ ഹന ഫാത്തിമ സ്കൂളിലെ ജീവനക്കാർക്കും കുട്ടികൾക്കും ഒരുപോലെ പ്രിയങ്കരിയായിരുന്നു.
ഇന്നലെ വൈകിട്ട് സഹോദരങ്ങളോടൊപ്പം കളിക്കുന്നതിനിടെ കാൽവഴുതി തോട്ടിലേക്ക് വീണതാണെന്നാണ് പ്രാഥമിക നിഗമനം.
കോഴിക്കോട് മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുന്ന മയ്യിത്ത് തുടർ നടപടികൾ പൂർത്തിയാക്കി ഇന്ന് ഉച്ചക്ക് 1:30ന് വേലാങ്കണ്ടിയിൽ വീട്ടിലെത്തിക്കും. മയ്യിത്ത് നിസ്ക്കാരം ഉച്ചക്ക് 2.30ന് നെല്ല്യേരിത്താഴം പള്ളിയിലും, 3 മണിക്ക് അത്തിക്കോട് ജുമാ മസ്ജിദിലും.
