പുല്ലൂരാംപാറ സെന്റ് ജോസഫ്സ് യു. പി. സ്കൂളിൽ ശ്രാവണപൂർണിമ – സംസ്കൃത ദിനം വിവിധ പരിപാടികളോടെ ആചരിച്ചു. പൂർവ്വ അധ്യാപികയും മഞ്ഞു വയൽ വിമല യു.പി. സ്കൂൾ പ്രധാനാധ്യാപികയുമായ ആൻസി തോമസ് ഉദ്ഘാടനം ചെയ്തു. ഹെഡ് മാസ്റ്റർ സിബി കുര്യാക്കോസ് , അധ്യാപകരായ ലസിത ടി.കെ, ക്രിസ്റ്റീന അഗസ്റ്റിൻ, പിന്റോ തോമസ് , സ്കൂൾ ലീഡർ ഐവിൻ റോബി തുടങ്ങിയവർ പ്രസംഗിച്ചു. ദിനാചരണത്തിന്റെ ഭാഗമായി നടന്ന സംസ്കൃത അസംബ്ലിയിൽ വിദ്യാർത്ഥികൾ സംസ്കൃത പ്രതിജ്ഞ , പ്രഭാഷണം , കാവ്യാലാപനം, സംഘഗാനം, കഥാകഥനം തുടങ്ങിയ പരിപാടികൾ അവതരിപ്പിച്ചു. നിത്യോപയോഗ സാധനങ്ങളുടെ സംസ്കൃതനാമങ്ങൾ പരിചയപ്പെടുത്തിക്കൊണ്ട് നടത്തിയ സംസ്കൃത പ്രദർശിനി മികച്ച നിലവാരം പുലർത്തി.
