മുക്കം : വിദ്യാർഥികളിലെ ലഹരി ഉപയോഗം അധ്യാപകർ ഗൗരവമായി കാണണമെന്നും ലഹരി ഉപയോഗം തടയാൻ സംസ്ഥാന സർക്കാർ പ്രത്യേക പദ്ധതി നടപ്പാക്കുമെന്നും മന്ത്രി വി. ശിവൻകുട്ടി പറഞ്ഞു.
ജില്ലയിലെ മുഴുവൻ അധ്യാപകരും ഗ്രന്ഥശാലകളിൽ അംഗത്വം എടുക്കുന്നതിന്റെ ജില്ലാതല ഉദ്ഘാടനം മുക്കത്ത് നിർവഹിച്ച് സംസാരിക്കുകയായിരുന്നു അദ്ദേഹം.
ലിൻേറാ ജോസഫ് എം.എൽ.എ. അധ്യക്ഷനായി. കേന്ദ്ര സാഹിത്യ അക്കാദമി അംഗം കെ.പി. രാമനുണ്ണി മുഖ്യപ്രഭാഷണം നടത്തി.മുക്കം നഗരസഭാ ചെയർമാൻ പി.ടി. ബാബു, വൈസ് ചെയർപേഴ്സൺ കെ.പി. ചാന്ദിനി, ഇ. സത്യനാരായണൻ, കെ.ജി. മനോഹരൻ, മുക്കം എ.ഇ.ഒ. ഓംകാരനാഥൻ, സന്തോഷ് മൂത്തേടം, പി.എൻ. അജയൻ എന്നിവർ സംസാരിച്ചു
