മുക്കം: എടവണ്ണ – കൊയിലാണ്ടി സംസ്ഥാനപാതയിലെ മുക്കം കാപ്പുമല വളവിൽ ഓമശ്ശേരി ഭാഗത്തുനിന്നും മുക്കം ഭാഗത്തേക്ക് പോകുകയായിരുന്ന മിനി പിക്കപ്പ് ലോറി മറിഞ്ഞു. ഇന്നലെ രാത്രി 11:00 മണിക്കായിരുന്നു അപകടം. മുക്കം കറുത്തപറമ്പ് സ്വദേശിയുടെ വാഹനമാണ് മറിഞ്ഞത്. ഡ്രൈവർ അടക്കം വാഹനത്തിൽ മൂന്നുപേർ ഉണ്ടായിരുന്നെങ്കിലും അപകടത്തിൽ ആർക്കും പരിക്കില്ല.വാഹനത്തിൽ നിന്നും റോഡിലേക്ക് ഡീസൽ ഒഴുകി തെന്നൽ അനുഭവപ്പെട്ടതോടെ മുക്കം ഫയർഫോഴ്സ് യൂണിറ്റ് എത്തി ഡീസൽ റോഡ് കഴുകി വൃത്തിയാക്കി.
