തിരുവനന്തപുരം; മലയാള സിനിമാ സംഗീത സംവിധായകന് ആര്. സോമശേഖരന് (77)അന്തരിച്ചു. ഇന്ന് (തിങ്കളാഴ്ച്ച) പുലര്ച്ചെ 5:15-ന് തിരുവനന്തപുരം ശ്രീരാമകൃഷ്ണ മിഷന് ആശുപത്രിയിൽ വച്ചായിരുന്നു അന്ത്യം.
ഇതും ഒരു ജീവിതം എന്ന ചിത്രത്തിലൂടെയാണ് സോമശേഖരന് സിനിമയിലെത്തുന്നത്. ജാതകത്തിലെ ‘പുളിയിലക്കരയോലും’ എന്ന ഗാനം ശ്രദ്ധനേടിയിരുന്നു. ആര്ദ്രം, വേനല്ക്കാലം, ബ്രഹ്മാസ്ത്രം, മിസ്റ്റര് പവനായി 99.99, അയാള്, ഈ അഭയതീരം തുടങ്ങിയവയാണ് സോമശേഖരന് സംഗീതം നൽകിയ മറ്റ് സിനിമകൾ.
തിരുവനന്തപുരം കാഞ്ഞിരംപാറ കൈരളി നഗര് സൗപര്ണികയില് ആയിരുന്നു താമസം. പരേതരായ ഭാരതി അമ്മയുടേയും പരമേശ്വരന് ഉണ്ണിത്താന്റേയും മകനാണ്. ഭാര്യ: ജയമണി. മക്കള്: ജയശേഖര്, ജയശ്രീ, ജയദേവ്. മരുമക്കള്: അഡ്വ. സുധീന്ദ്രന്, മീര. സംവിധായകന് സുരേഷ് ഉണ്ണിത്താന് ഇളയ സഹോദരനാണ്. സംസ്കാരം വൈകുന്നേരം തിരുവനന്തപുരം തൈക്കാട് ശാന്തികവാടത്തില്.
