കോഴിക്കോട്:ദേശിയപാത 66 റോഡ് വികസനത്തിന്റെ ഭാഗമായി വേങ്ങേരി ജംക്ഷനിൽ വെഹിക്കിൾ ഓവർ പാസ് നിർമാണവുമായി ബന്ധപ്പെട്ട് കോഴിക്കോട് ബാലുശ്ശേരി റോഡ് വേങ്ങേരി ജംക്ഷൻ നാളെ മുതൽ അടച്ചിടും.ബാലുശ്ശേരി, നരിക്കുനി, ചെറുകുളം ഭാഗത്തുനിന്നു കോഴിക്കോട്ടേക്ക് പോകേണ്ട വാഹനങ്ങൾ തണ്ണീർപന്തൽ – മാവിളിക്കടവ് – കൃഷ്ണൻനായർറോഡ് വഴി കാരപ്പറമ്പ് കോഴിക്കോട്ടേക്കു പോകണം.
കോഴിക്കോട്ടു നിന്നു ബാലുശ്ശേരി നരിക്കുനി, ചെറുകുളംഭാഗത്തേക്ക് പോകുന്ന വാഹനങ്ങൾ കരിക്കാംകുളം – തടമ്പാട്ടുതാഴം – വേങ്ങേരി മാർക്കറ്റ് ജംക്ഷൻ വേങ്ങേരി കയറ്റം കയറി മേൽപാലത്തിന് സമീപം ഇടത്തോട്ട് തിരിഞ്ഞ് സർവീസ് റോഡ് വഴി ബൈപാസിൽ കയറി മാളിക്കടവ് ബൈപാസ് നയാര പെട്രോൾ പമ്പിന് സമീപം വലത്തോട്ട് തിരിഞ്ഞ് മാളിക്കടവ് ജംക്ഷൻ – തണ്ണീർപന്തൽ വഴി പോകണം. കൃഷ്ണൻ നായർ റോഡിൽ മാളിക്കടവിൽ നിന്നു കോഴിക്കോട് ഭാഗത്തേയ്ക്ക് മാത്രമെ വലിയ വാഹനങ്ങൾക്ക് പ്രവേശനമുള്ളൂ.
