ജനുവരി ആദ്യവാരം സഞ്ചരിക്കുന്ന മണ്ണ് പരിശോധനാ ലബോറട്ടറി തിരുവമ്പാടിയിൽ എത്തുന്നതാണ്. പരിശോധനക്കായി മണ്ണ് സാമ്പിളുകൾ ജനുവരി 4-ാം തിയതിക്ക് മുൻപായി കൃഷിഭവനിൽ എത്തിക്കേണ്ടതാണന്ന് കൃഷി ഓഫീസർ അറിയിച്ചു.
മണ്ണ് പരിശോധിക്കുന്നവർ അറിയേണ്ട ചില കാര്യങ്ങൾ
⭕കൃഷിയിടത്തെ മുഴുവൻ പ്രതിനിധീകരിക്കുന്ന മണ്ണ് സാമ്പിൾ മാത്രം ശേഖരിക്കുക.
⭕കൃഷിയിടത്തിൽ, പലയിടങ്ങളിൽ നന്നായി, കൃഷിയിടത്തിന്റെ വലിപ്പമനുസരിച്ച് 10-15 സ്ഥലങ്ങളിലെ മണ്ണുശേഖരിച്ച് സാമ്പിൾ ശേഖരിക്കണം.
⭕ഒരേക്കറിന് ഏകദേശം പത്ത് ഭാഗങ്ങളിൽ നിന്ന് എന്ന കണക്കിനെങ്കിലും മണ്ണ് ശേഖരിക്കണം.
⭕ അടുത്തകാലത്ത് രാസവളങ്ങളോ, ജൈവവളങ്ങളോ ചേർത്തഭാഗം, മഴവെള്ളം സ്ഥിരമായി കെട്ടികിടക്കുന്ന ഭാഗം, ചതുപ്പ് ഭാഗം, കമ്പോസ്റ്റ് കുഴി, ചാണകക്കുഴി വേലിയ പേരുള്ള ഭാഗം എന്നിവയുടെ അടുത്ത് നിന്ന് മണ്ണ് ശേഖരിക്കാൻ പാടില്ല.
⭕സ്ഥലം കണ്ടെത്തി മുകൾവശത്തെ കളകൾ, കല്ലുകൾ എന്നിവ നീക്കി വൃത്തിയാക്കി ഇംഗ്ലീഷ് അക്ഷരമായ ‘V’ (വി) ആകൃതിയിൽ മൺവെട്ടിയുപയോഗിച്ച് മണ്ണ് വെട്ടണം.
⭕V’ ആകൃതിയിൽ വെട്ടിയ ഭാഗത്ത്, മുകൾ ഭാഗത്തുള്ള മണ്ണ് നീക്കിയതിനുശേഷം നിശ്ചിത ആഴത്തിൽ മണ്ണ് ചുരണ്ടിയെടുക്കണം. ഒരിഞ്ച് വീതിയിലാണ് മണ്ണ് വെട്ടിയെടുക്കേണ്ടത്.
⭕ഹ്രസ്വകാല വിളകൾ കൃഷിയിറക്കിവരുന്ന തോട്ടങ്ങളിൽ നിന്ന് മണ്ണിൽ നിന്ന് ഒരടി താഴ്ചയിൽ നിന്നും, ദീർഘ കാലവിളകൾ കൃഷിചെയ്യുന്ന ഭാഗത്തുനിന്ന് ഒന്നരയടി താഴ്ചയിലുമാണ് മണ്ണ് ശേഖരിക്കേണ്ടത്.
⭕വ്യത്യസ്ത ഭാഗങ്ങളിൽ നിന്ന് ശേഖരിച്ച സാമ്പിൾ, ഒരു പോളിത്തീൻ ഷീറ്റിലോ, നല്ല വൃത്തിയുള്ള തുണിയിലോ ഇട്ടതിനുശേഷം, മണ്ണിലെ കല്ല് കളകളുടെ വിത്ത്, വേരിന്റെ ഭാഗം എന്നിവ കളയണം.
⭕സമചതുരത്തിൽ മണ്ണ് സാമ്പിൾ, നിരത്തി, നാലാക്കി തിരിച്ച്, എതിർഭാഗത്തുള്ള ഭാഗം നീക്കണം. ഇങ്ങനെ പലപ്രാവശ്യം എതിർഭാഗം നീക്കി, അരകിലോഗ്രാം (അഞ്ഞൂറ് ഗ്രാം) മണ്ണുസാമ്പിൾ മാത്രം, തണലിൽ ഉണക്കി ആവശ്യമായ വിവരങ്ങൾ അടങ്ങിയ കുറപ്പുസഹിതം ലാബുകളിലെത്തിക്കണം.
⭕കൃഷിക്കാരന്റെ പേര്, ആധാർ നമ്പർ, അഡ്രസ്സ് ഫോൺ നമ്പർ, വില്ലേജ്, പഞ്ചായത്ത്, സ്ഥല സർവേ നമ്പർ, വിസ്തൃതി, പുരയിടമോ, വയലോ എന്ന വിവരം, ഇപ്പോൾ കൃഷി ചെയ്തുവരുന്ന വിളകൾ എന്നിവ കുറിപ്പിലുണ്ടാവണം
