തിരുവമ്പാടി: താമരശേരി രൂപതയുടെ ആത്മീയ നവീകരണ കേന്ദ്രമായ പുല്ലൂരാംപാറ ധ്യാന കേന്ദ്രത്തിൽ ഇരുപത്തിമൂന്നാമത് അഖണ്ഡ ജപമാല സമർപ്പണം ആരംഭിച്ചു.താമരശേരി ബിഷപ് മാർ റെമീജിയോസ് ഇഞ്ചനാനിയിൽ മുഖ്യകാർമികത്വത്തിൽ ദിവ്യകാരുണ്യ ആരാധനയും അഖണ്ഡ ജപമാല സമർപ്പണവും നടത്തി. ഒക്ടോബർ 27 വരെ നീണ്ടുനിൽക്കുന്ന 101 ദിനങ്ങളിലെ ഇടമുറിയാത്ത ജപമാല പ്രാർത്ഥന “ലോകസമാധാനത്തിനും കുടുംബ വിശുദ്ധീകരണത്തിനും’ എന്ന നിയോഗത്തിൽ നടത്തപ്പെടും.
രൂപതാ വികാരി ജനറൽ മോൺ. ഫാ. ഏബ്രഹാം വയലിൽ, ചാൻസിലർ ഫാ. ചെറിയാൻ പൊങ്ങൻ പാറ, പുല്ലൂരാംപാറ സെന്റ് ജോസഫ് ദേവാലയ വികാരി ഫാ. സെബാസ്റ്റ്യൻ പുരയിടത്തിൽ, കോടഞ്ചേരി സെന്റ് മേരീസ് മരിയൻ തീർഥാടന കേന്ദ്രം റെക്ടർ ഫാ. കുര്യാക്കോസ് ഐക്കുളബിൽ എന്നിവർ സഹകാർമികരായിരുന്നു.23 വർഷം പിന്നിടുന്ന അഖണ്ഡ ജപമാലയിൽ ആയിരങ്ങളാണ് പങ്കെടുക്കുന്നത്. അഖണ്ഡ ജപമാല ദിനങ്ങളിൽ വിശുദ്ധ കുമ്പസാരത്തിനും കൗൺസിലിങ്ങിനും സൗകര്യം ഉണ്ടായിരിക്കുന്നതാണെന്ന് ഡയറക്ടർ ഫാ. ബിനു പുളിക്കൽ അറിയിച്ചു. ഫാ. ബിനു പുളിക്കൽ, ഫാ. ജോസ് പൂവണ്ണിക്കുന്നേൽ, ഫാ. ജെസ്വിൻ തുറവയ്ക്കൽ എന്നിവർ നേതൃത്വം നൽകി.
