കോഴിക്കോട് :മോഷ്ടിക്കുന്ന വാഹനങ്ങള് നിമിഷ നേരത്തിനുള്ളില് പൊളിച്ച് പാട്സുകളാക്കി മാറ്റുന്ന കുപ്രസിദ്ധ വാഹന മോഷണ സംഘം പിടിയില്.വെള്ളയില് ജോസഫ് റോഡിലെ കെ.പി. ഇക്ബാല് (54), ചെങ്ങോട്ട്കാവ് , കെ.വി. യൂനസ് (38) ചെങ്കോട്ട് കാവ് ക കുനിയില് കെ.കെ. മണി (42) എന്നിവരാണ് പിടിയിലായത്. കഴിഞ്ഞ 11-ന് സരോവരം ഭാഗത്ത് നിര്ത്തിയിട്ടിരുന്ന പാസഞ്ചര് ഓട്ടോ മോഷണം പോയതിനെ തുടര്ന്ന് നടത്തിയ അന്വേഷണത്തിലാണ് പ്രതികളെ പിടികൂടിയത്.യൂനസും മണിയും ചേര്ന്നാണ് ഓട്ടോ മോഷ്ടിച്ചത്. മോഷ്ടിച്ച ഓട്ടോ ഇക്ബാലിന്റെ അടുത്താണ് പൊളിക്കാനായി എത്തിച്ചത്. പ്രതികള് സമാനമായ രീതിയില് നിരവധി മോഷണങ്ങള് നടത്തിയതായാണ് പോലീസിന് ലഭിച്ച സൂചന. ഇക്കാര്യം സംബന്ധിച്ച് അന്വേഷണം ആരംഭിച്ചിട്ടുണ്ട്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു. യൂനസ് ജില്ലയിലെ വിവിധ സ്റ്റേഷനുകളില് രജിസ്റ്റര് ചെയ്ത കേസുകളിലെ പ്രതിയാണ്.
