മലബാര് റിവര് ഫെസ്റ്റിവൽ: ഇന്ന് നടന്ന സൈക്ലിങ് റാലി പുലിക്കയത്ത് ലിന്റോ ജോസഫ് എംഎൽഎ സ്വീകരിച്ചു.
കോടഞ്ചേരി :മലബാര് റിവര് ഫെസ്റ്റിവലിനോടനുകോടഞ്ചേരി ബന്ധിച്ച് നടക്കുന്ന ഇന്റര്നാഷണല് കയാക്കിങ് മത്സരത്തിന്റെ പ്രചരണാര്ത്ഥം ഇന്ന് നടന്ന സൈക്ലിങ് റാലി പുലിക്കയത്ത് ലിന്റോ ജോസഫ് എംഎൽഎ സ്വീകരിച്ചു.
കേരള ടൂറിസം വകുപ്പിന്റെ ആഭിമുഖ്യത്തില് ജില്ലാ പഞ്ചായത്ത്, കേരള അഡ്വഞ്ചര് ടൂറിസം പ്രമോഷന് സൊസൈറ്റി, ജില്ലാ ടൂറിസം പ്രമോഷന് കൗണ്സില്, ഇന്ത്യന് കയാക്കിങ് ആന്ഡ് കനോയിങ് അസോസിയേഷനുമായി ചേര്ന്നാണ് അന്തര്ദേശീയ കയാക്കിങ് മത്സരം സംഘടിപ്പിക്കുന്നത്.
ഓഗസ്റ്റ് 12,13,14 തീയതികളിലായി മലബാര് റിവര് ഫെസ്റ്റിവല് എന്ന പേരില് തുഷാരഗിരിയില് വെച്ചാണ് മത്സരം. കയാക്കിങ്ങില് പുലിക്കയം സ്റ്റാര്ട്ടിങ് പോയിന്റും ഇലന്തുകടവ് എന്റിങ് പോയിന്റുമാവും. കോടഞ്ചേരി, തിരുവമ്പാടി പഞ്ചായത്തുകള് സംയുക്തമായാണ് ഫെസ്റ്റിവല് സംഘടിപ്പിക്കുന്നത്. ചാലിപ്പുഴയിലും ഇരുവഴിഞ്ഞിപ്പുഴയിലുമായി കയാക് സ്ലാലോം, ബോട്ടര് ക്രോസ്, ഡൗണ് റിവര് എന്നീ മത്സര വിഭാഗങ്ങളുണ്ടാകും. അന്തര്ദേശീയ കയാക്കര്മാരും ദേശീയ കയാക്കര്മാരും മത്സരത്തില് പങ്കെടുക്കും
