KODANECHERYLOCAL NEWSNewsതിരുവമ്പാടി മണ്ഡല വാർത്തകൾ,

മലയോര മണ്ണിൽനിന്ന് സംസ്ഥാന വേദിയിലേക്ക്; സാമൂഹ്യശാസ്ത്ര മേളയിൽ നെല്ലിപ്പൊയിൽ സെന്റ് ജോൺസ് ഹൈസ്കൂളിന് അഭിമാന നേട്ടം.

നെല്ലിപ്പൊയിൽ: അറിവിന്റെയും ആശയങ്ങളുടെയും വൈവിധ്യമാർന്ന ആവിഷ്കാരങ്ങളുടെയും സംസ്ഥാന വേദിയിൽ മികവിന്റെ മുദ്ര പതിപ്പിച്ച് നെല്ലിപ്പൊയിൽ സെന്റ് ജോൺസ് ഹൈസ്കൂളിലെ വിദ്യാർത്ഥികൾ. മണ്ണാർക്കാട് എം.ഇ.ടി. സ്കൂളിൽ നവംബർ 19-ന് നടന്ന സംസ്ഥാന സ്കൂൾ സാമൂഹ്യശാസ്ത്ര മേളയിൽ ഹൈസ്കൂൾ വിഭാഗം വർക്കിംഗ് മോഡൽ മത്സരത്തിൽ ജിബിൻ സാബുവും ബ്ലെസൻ ബെന്നിയും എ ഗ്രേഡ് നേടി വിദ്യാലയത്തിന്റെ അഭിമാനമായി.കോഴിക്കോട് റവന്യൂ ജില്ലാ സാമൂഹ്യശാസ്ത്ര മേളയിൽ രണ്ടാം സ്ഥാനം കരസ്ഥമാക്കിയാണ് ഇരുവരും സംസ്ഥാനതല മത്സരത്തിന് അർഹത നേടിയത്. തുടർന്ന് സംസ്ഥാനതലത്തിൽ വിവിധ ജില്ലകളിൽ നിന്നുള്ള മികച്ച പ്രതിഭകളോട് മാറ്റുരച്ച് എ ഗ്രേഡ് സ്വന്തമാക്കിയത് നേട്ടത്തിന്റെ മാറ്റുകൂട്ടി.ജില്ലാതലത്തിലെ മികവ് സംസ്ഥാന വേദിയിലും ആവർത്തിച്ച് എ ഗ്രേഡ് നേടാനായത് വിദ്യാർത്ഥികളുടെ ആശയമികവിന്റെയും കഠിനാധ്വാനത്തിന്റെയും അധ്യാപകരുടെ മികച്ച പരിശീലനത്തിന്റെയും ഫലമാണ്.കേരളത്തിന്റെ വിവിധ ഭാഗങ്ങളിൽ നിന്നുള്ള പ്രതിഭകൾ മാറ്റുരച്ച സംസ്ഥാന വേദിയിൽ, വൈവിധ്യമാർന്ന ആശയങ്ങളുടെ കരുത്തുമായി മലയോര ഗ്രാമമായ നെല്ലിപ്പൊയിലിൽനിന്ന് എത്തിയ ഈ രണ്ടു വിദ്യാർത്ഥികൾ നേടിയ വിജയം നാടിനും വിദ്യാലയത്തിനും ഒരുപോലെ അഭിമാനമായി. സംസ്ഥാനതലത്തിൽ ശ്രദ്ധേയമായ നേട്ടം കൈവരിച്ച വിദ്യാർത്ഥികളെ ഹെഡ്മിസ്ട്രസ് ഷില്ലി സെബാസ്റ്റ്യൻ, അധ്യാപകർ, പി.ടി.എ. ഭാരവാഹികൾ എന്നിവർ അഭിനന്ദിച്ചു.

Related Articles

Back to top button

You cannot copy content of this page

Social Media Auto Publish Powered By : XYZScripts.com