ഓമശ്ശേരി: മലയമ്മ വെണ്ണക്കോട് ഭാഗത്ത് പോത്ത് വിരണ്ടോടിയത് ആശങ്ക സൃഷ്ടിച്ചു. ഓട്ടത്തിനിടെ ഈ പോത്ത് കാർ, ബൈക്ക് മുതലായ വാഹനങ്ങൾക്ക് കേടുപാടു വരുത്തിയതായും റിപ്പോർട്ടുണ്ട്.
മുക്കം ഫയർഫോഴ്സും നാട്ടുകാരും വിവിധ സന്നദ്ധ സേനാംഗങ്ങളും പോത്തിനെ പിടിച്ചു കെട്ടാനുള്ള ശ്രമം തുടരുന്നു. ഇതിനിടെ അൽപ്പസമയം കാണാതായത് ആശങ്ക സൃഷ്ടിച്ചെങ്കിലും പിന്നീട് ഭീമാകാരനായ ഈ പോത്തിനെ തൊട്ടടുത്ത പറമ്പിൽ വെച്ച് കണ്ടെത്തി. അക്രമ സ്വഭാവം പ്രകടിപ്പിക്കുന്നതിനാൽ ഏറെ പണിപ്പെട്ടാണ് പോത്തിനെ കീഴടക്കാനുള്ള ശ്രമം തുടരുന്നത്
