തിരുവമ്പാടി: തിരുഹൃദയ ഫൊറോന പള്ളിയിൽ ബുധനാഴ്ച ആരംഭിച്ച ഈശോയുടെ തിരുഹൃദയത്തിന്റെയും പരിശുദ്ധ കന്യകാമറിയത്തിന്റെയും വിശുദ്ധ സെബസ്ത്യാനോസിന്റെയും തിരുനാൾ ഇന്ന് രാവിലെ 6.30 ന് വിശുദ്ധ കുർബാനക്ക് ഫാ. ജോസഫ് പൊടി മറ്റത്തിൽ കാർമികത്വം വഹിച്ചു. തുടർന്ന് ഒൻപതിന് വയോജന സംഗമവും, വിശുദ്ധ കുർബാനയും നടന്നു. വൈകുന്നേരം അഞ്ചിന് ആഘോഷമായ തിരുനാൾ കുർബാന, വചന സന്ദേശം, ലദീഞ്ഞ് എന്നിവക്ക് ഫാ. മാത്യു തൂമുള്ളിൽ കാർമികത്വം വഹിക്കും.
6.30 ന് ടൗൺ ചുറ്റി, വാദ്യമേളങ്ങളുടെ അകമ്പടിയോടെ വർണശബളമായ പ്രദക്ഷിണം, എട്ടിന് വാദ്യമേളങ്ങൾ, 8.30 ന് ആകാശവിസ്മയം എന്നിവ നടക്കും. ഇന്നലെ വൈകിട്ട് ആറ് മുതൽ 10 മണി വരെ ഇടവകാംഗങ്ങളുടെ കലാപരിപാടികൾ നടന്നു.
നാളെ രാവിലെ 6.30ന് വിശുദ്ധ കുർബാനക്ക് ഫാ. ജോസഫ് വിലങ്ങുപാറ കാർമികത്വം വഹിക്കും. പത്തിന് ആഘോഷമായ തിരുനാൾ കുർബാന, വചന സന്ദേശം, ലദീഞ്ഞ് എന്നിവക്ക് ഫാ. ടോമി കളത്തൂർ കാർമികത്വം വഹിക്കും. 11.30ന് ലദീഞ്ഞ്, പ്രദക്ഷിണം, ഊട്ടു നേർച്ച എന്നിവയോടെ തിരുനാൾ സമാപിക്കും.
