മഴക്കാല സുന്ദരിയായ കക്കാടംപൊയിലിലേക്കുള്ള കെഎസ്ആര്ടിസി യാത്ര ബസുകള്; യാത്രാസൗകര്യത്തില് പുതിയ സഞ്ചാരപഥങ്ങള്
തിരുവമ്പാടി :മലബാറിന്റെ ഊട്ടി എന്നറിയപ്പെടുന്ന കക്കാടംപൊയില്, കോഴിക്കോട്, മലപ്പുറം ജില്ലകളുടെ കിഴക്കുഭാഗത്തായി പശ്ചിമഘട്ട മലനിരകളില് സ്ഥിതി ചെയ്യുന്ന ഒരു മനോഹരമായ വിനോദസഞ്ചാര കേന്ദ്രമാണ്.
കണ്ണെത്താദൂരം പരന്നുകിടക്കുന്ന മലനിരകളും, നിരവധി വെള്ളച്ചാട്ടങ്ങളും, തണുത്ത കാലാവസ്ഥയും, ട്രക്കിങ് റൂട്ടുകളുമെല്ലാം കക്കാടംപൊയിലിന്റെ ആകർഷണങ്ങളാണ്. കോഴിക്കോടു നിന്നും 50 കിലോമീറ്ററും, നിലമ്പൂരില് നിന്ന് 24 കിലോമീറ്ററുമാണ് കക്കാടംപൊയിലേക്കുള്ള ദൂരം. മഴക്കാലമായതോടെ കക്കാടംപൊയിലിലേക്ക് സഞ്ചാരികളുടെ ഒഴുക്കാണ്.
കക്കാടംപൊയിലിലേക്ക് സ്വകാര്യ വാഹനങ്ങളില് മാത്രമല്ല, കെ.എസ്.ആർ.ടി.സി ബസിലും സഞ്ചരിക്കാം. കോഴിക്കോട്, തിരുവമ്പാടി, നിലമ്പൂർ എന്നിവിടങ്ങളില് നിന്നും കക്കാടംപൊയിലിലേക്ക് കെ.എസ്.ആർ.ടി.സി ബസ് സർവീസുകള് ലഭ്യമാണ്. കോഴിക്കോട് നിന്ന് കുന്ദമംഗലം, എൻ.ഐ.ടി, മുക്കം, തിരുവമ്പാടി, കൂടരഞ്ഞി, കൂമ്പാറ വഴി കക്കാടംപൊയിലിലേക്ക് പോകുന്ന ബസുകള് രാവിലെ 07:10, ഉച്ചയ്ക്ക് 03:55, വൈകിട്ട് 05:10 എന്നീ സമയങ്ങളില് ലഭ്യമാണ്.
തിരുവമ്പാടിയില് നിന്ന് കക്കാടംപൊയിലേക്കുള്ള ബസുകള് രാവിലെ 07:05, 08:40, 09:05, 09:45, 11:45, ഉച്ചയ്ക്ക് 12:30, 02:00, 03:00, 04:00, വൈകിട്ട് 05:45, 07:00 എന്നീ സമയങ്ങളില് ലഭ്യമാണ്. നിലമ്പൂരില് നിന്ന് കക്കാടംപൊയിലേക്കുള്ള ബസുകള് രാവിലെ 06:30, ഉച്ചയ്ക്ക് 11:30, വൈകിട്ട് 04:30 എന്നിവയാണ്. കക്കാടംപൊയിലില് നിന്നുള്ള ബസുകള് കോഴിക്കോട്ടേക്ക് രാവിലെ 06:40, 08:20, 10:10, ഉച്ചയ്ക്ക് 02:10; തിരുവമ്പാടിയിലേക്ക് രാവിലെ 08:00, 10:50, ഉച്ചയ്ക്ക് 03:00, 04:00, 05:00, വൈകിട്ട് 07:00; നിലമ്പൂരിലേക്ക് രാവിലെ 10:00, ഉച്ചയ്ക്ക് 01:00, വൈകിട്ട് 06:00 എന്നിവയാണ്.
മഞ്ഞുകാലമായതോടെ കക്കാടംപൊയിലില് മഞ്ഞ് പെയ്യുന്ന ദൃശ്യങ്ങള് കാണാനായി സഞ്ചാരികളുടെ എണ്ണം വർധിച്ചുവരുന്നു. തണുത്ത കാലാവസ്ഥയും പ്രകൃതിദത്തമായ സൗന്ദര്യവും അനുഭവിക്കാൻ കക്കാടംപൊയില് ഒരു മികച്ച വിനോദസഞ്ചാര കേന്ദ്രമാണ്. സഞ്ചാരികള്ക്ക് കെ.എസ്.ആർ.ടി.സി ബസുകള് ഉപയോഗിച്ച് സുഖകരമായ യാത്ര നടത്താൻ സാധിക്കും.
