കോടഞ്ചേരി: കോടഞ്ചേരി സെൻറ് ജോസഫ് ഹയർ സെക്കൻഡറി സ്കൂളിൽ 2020-22 അധ്യയന വർഷത്തിലെ എസ്എസ്എൽസി പരീക്ഷയിൽ ഫുൾ എ പ്ലസ് നേടിയവരെയും എൻ. എം.എം എസ് , രാജ്യപുരസ്കാർ ജേതാക്കളെയും മെമന്റോ നൽകി ആദരിച്ചു.
സ്കൂൾ മാനേജർ ഫാദർ കുര്യാക്കോസ് ഐക്കൊളമ്പിൽ അധ്യക്ഷനായ പരിപാടി പഞ്ചായത്ത് പ്രസിഡൻറ് അലക്സ് തോമസ് ചെമ്പകശ്ശേരി ഉദ്ഘാടനം ചെയ്തു. സ്കൂൾ പ്രധാനാദ്ധ്യാപകൻ വിജോയ് തോമസ് സ്വാഗതം ആശംസിച്ചു. വാർഡ് മെമ്പർ വാസുദേവൻ, പി ടി എ പ്രസിഡണ്ട് മാത്യു ചെമ്പോട്ടിയ്ക്കൽ, ഹയർസെക്കൻഡറി അധ്യാപക പ്രതിനിധി ബിന്ദു മേരി പോൾ, സീനിയർ അസിസ്റ്റൻറ് മിനിമോൾ സിറിയക്,സ്റ്റാഫ് സെക്രട്ടറി അനൂപ് ജോസ് എന്നിവർ പ്രസംഗിച്ചു.
