തിരുവമ്പാടി : ലിസ പെയിൻ ആൻഡ് പാലിയേറ്റീവ് കെയർ സെന്ററിന്റെ ആഭിമുഖ്യത്തിൽ ദേശീയ പാലിയേറ്റീവ് കെയർ ദിനം വിവിധ പരിപാടികളോടെ സമുചിതമായി നടത്തി.സുമനസ്സുകളുടെ സാമ്പത്തീക സഹായത്തോടെ വാങ്ങിയ പുതിയ ആംബുലൻസിന്റെ സമർപ്പണവും ഫ്ളാഗോ ഫ്കർമ്മവും വൊളന്റിയർ സംഗമവും നടന്നു.തുടർന്നു നടന്ന പാലിയേറ്റീവ് സന്ദേശ റാലി ലിസ പാലിയേറ്റീവ് ചെയർമാൻ ഡോ.പി എം മത്തായി ഫ് ളാ ഗോഫ് ചെയ്തു. ലിസ ആശുപത്രി അങ്കണത്തിൽ നിന്നും ആരംഭിച്ച റാലി വാദ്യമേളങ്ങളുടെ അകമ്പടിയോടെ ടൗൺ ചുറ്റി ബസ് സ്റ്റാൻ ന്റിൽ സമാപിച്ചു. ലിസ പാലിയേറ്റീവ് വൊളന്റിയേഴ്സ്, നേഴ്സിങ് സ്കൂൾ വിദ്യാർത്ഥികൾ, സേക്രഡ് ഹാർട്ട് ഹയർ സെക്കണ്ടറി സ്കൂളിലെ എൻ എസ് എസ് , ജെ ആർ സി , നല്ല പാഠം വിദ്യാർത്ഥികൾ, അധ്യാപകർ മുതലായവർ റാലിയിൽ അണിചേർന്നു.പൊതു സമ്മേളനം ഗ്രാമ പഞ്ചായത്ത് പ്രസിഡണ്ട് ഇൻ ചാർജ് കെ എ അബ്ദുറഹ്മാൻ ഉദ്ഘാടനം ചെയ്തുലിസ പാലിയേറ്റീവ് പ്രസിഡണ്ട് കെ സി മാത്യൂ കൊച്ചു കൈപ്പേൽ അദ്ധ്യക്ഷത വഹിച്ചു. ചെയർമാൻ ഡോ.പി എം മത്തായി മുഖ്യ പ്രഭാഷണം നടത്തി. ഗ്രാമ പഞ്ചായത്ത് ടൗൺ വാർ ഡ് മെമ്പർ ലിസി മാളിയേക്കൽ, വ്യാപാരി വ്യവസായി ഏകോപന സമിതി ജനറൽ സെക്രട്ടറി ബാലകൃഷ്ണൻ പുല്ലങ്ങോട്ട് ,ഡോ. അരുൺ മാത്യു ,ലിസ പാലിയേറ്റീവ് സെക്രട്ടറി കെ.സി ജോസഫ് , ട്രഷറർ രാജൻ ചെമ്പകം, ജില്ലാ സെക്രട്ടറി മറിയാമ്മ ബാബു എന്നിവർ പ്രസംഗിച്ചു.ഇഖ്റ പബ്ളിക്ക് സ്കൂൾ രോഗികൾക്കുള്ള സഹായ ഉപകരണം പാലിയേറ്റീവ് യൂണിറ്റിന് സംഭാവന ചെയ്തു. സ്കൂളിലെ കൊച്ചു കുട്ടികളുടെ കലാപരിപാടികളും നടന്നു.
